Denov filiali pedagogika fakulteti

Darslik bilan ishlash. 157-mashqda berilgan «Aqlli bog‘bon» ertagi o‘qituvchi tomonidan o‘quvchilarga ifodali o‘qib beriladi. Ertak matni yuzasidan suhbat o‘tkaziladi. Suhbatdan o‘quvchilar oltin yerda emas, balki mehnatda ekanligini tushunib yetadilar. 0‘quvchilar berilgan reja asosida ertakni qayta hikoya qiladilar.
Lug ‘at ustida ishlash:

1. 
   Ertak matnidan o‘quvchilar uchun notanish bo‘lgan so‘zlar aniqlanadi.
   
2. 
   Olamdan ko z yumdi iborasining ma’nodoshlarini topish topshirig‘i beriladi.
   

Bayon yozishga tayyorgarlik. 0‘quvchilar ayrim so‘zlarning (bog‘bonning, o‘g‘illarini, chunonam, topilmabdi, mehnatda) imlosini izohlaydilar. O‘quvchilar reja asosida bayon yozadilar.
AQLLI BOG‘BON
Reja:

1. 
   Bo‘g‘bonning o‘g‘illariga vasiyati.
   
2. 
   Bog‘bon olamdan ko‘z yumdi.
   
3. 
   Oltin - mehnatda.
   

Bir bog‘bonnning uch o‘g‘li bor edi. Kunlardan bir kun bog‘bon o‘g‘illarini chaqirib shunday debdi:
- Bog‘dagi tokning tagiga bir xum oltin ko‘mib qo‘yganman. Mendan keyin o‘zingiz kovlab olarsizlar.
Oradan bir necha kun o‘tgach, bog‘bon olamdan ko‘z yumibdi. O‘g‘illari oltin axtarib tokning tagini rosa qazishibdi. Lekin oltin topilmabdi. Ammo shu yili tok chunonam ko‘p hosil qilibdi. Uzumning puliga bir necha xum oltin sotib olsa bo‘lar ekan.
Shunda o‘g‘illar oltin yerda emas, mehnatda ekanini anglab- dilar. 0‘quvchilar bayonni yozib bodgach, o‘qituvchi daftarlarni yig‘ib oladi.
III. Darsga yakun yasash va baholash.
O‘tilgan mavzu savol va topshiriqlar berish orqali yakunlanadi. Darsda faol ishtirok etgan o‘quvchilar izohlab baholanadi.
IV. Uyga vazifa berish.
Bog‘, uzum, bosh so‘zlariga asosdosh so‘zlar yozib kelish.
3-sinfda o‘quvchilar ko‘plab yangi so‘zlar yasash uchun xizmat qiladigan unumli so‘z yasovchi -chi, -li, -la, -siz qo‘shimchalari bilan tanishadilar. Mavzuni o‘rganish jarayonida o‘quvchilarga bu qo‘shimchalar so‘z asoslariga qo‘shilib, yangi ma’no bildiruvchi boshqa so‘zlar hosil qilishi, shuning uchun so‘z yasovchi qo‘shimcha deyilishini tushuntirish, ularda so‘z yasovchi qo‘shimchalar bilan yangi ma’no bildiruvchi so‘zlar yasash, yasalgan so‘zlaming ma’nolaridagi umumiy va farqli tomonlarini ajrata bilish, so‘z yasovchi qo‘shimchalarni boshqa qo‘shimchalardan farqlay olish malakalarini hosil qilish ko‘zda tutilgan.