Demokratik jamiyat qurilishida kuchli ijtimoiy himoya va adolat tamoyillari

Bozor munosabatlari sharoitida ijtimoiy himoya modellari.

Skandinavcha model (Finlyandiya, Shvesiya, Norvegiya)	Bismark modeli (Germaniya, Fransiya, Italiya, Belgiya)	Beverij modeli (Irlandiya, Angliya)
Asosiy qoidasi:	Asosiy qoidasi:	Asosiy qoidasi:
Mamlakatda yashovchi barcha fuqarolar ijtimoiy ta’minlanish huquqiga ega	Jamiyat a’zolariga ijtimoiy ta’minot uchun zarur vositalarni ishlab topishga imkoniyat berish	Har bir fuqaro favqulodda holatlarda (kasallik, pensiya yoshi, o’lim, tug’ish va hokazo) ijtimoiy sug’urtali nafaqa va pu yordami bilan qamrab olinishi zarur
Bosh siyosiy maqsad to’la-to’kis bandlikka erishish (davlat mas’uliyati)	Bosh siyosiy maqsad – daromadlarni himoyalash	Bosh siyosiy maqsad – minimal darajadagi daromadlarni himoyalash

Nazarimizda ushbu modellarning har biri yutuq va kamchiliklariga ega. Ularni respublikamizda shunchaki tadbiq qilib bo’lmasligi aniq. O’zbekistonning ijtimoiy hayotida yuz berayotgan yirik o’zgarishlar asosidagi muammolarni hal etish bo’yicha iavsiyalar ishlab chiqish muhim.

Mustaqil taraqqiyotimizning ilk davrisidanoq inson-jamiyat-davlat o’rtasidagi o’zaro munosabatlarning oqilona yechimini topish alohida ahamiyat kasb etdi. Ikkinchi jahon urushidan keyin Yevropa mamlakatlari, Osiyoning Yaponiya, Janubiy Koreya kabi davlatlari aynan ana shu g’oya asosida taraqqiyot yo’lini belgilab, tarixan qisqa davr ichida yuksak taraqqiyotga yerishgan edilar. Ikki asrlik demokratik rivojlanish tarixiga ega bo’lgan AQSh ham inson manfaatini taraqqiyotning asosi sifatida qabul qilgan edi.