Dehqonov Sardor sobir o`g`li A: 2-ma'ruza. Axborot jarayonlarining texnik va dasturiy ta’minoti

Operativ xotirani tashkil etish va boshqarish usullari

Operativ xotira (RAM - randon access memory). Operativ xotira xotira modullari ko’rinishida ishlab chiqiladi, axborotni saqlashga mo’ljallangan bo’ladi. Kompyuter ishlayotgan davrda bu xotirada berilganlar va buyruqlar saqlanadi. Prosessor operativ xotirani istalgan yacheykasiga murojaat qilishi mumkin. Tezlik operativ xotirani muhim jixatlaridan biri hisoblanadi.

Operativ xotirani tarkibiy ko’rinishini har birida bir bitni saqlash mumkin bo’lgan razryadlarga ajratilgan yacheykalar to’plami sifatida tassavvur qilish mumkin. Bir bitdan iborat yacheyka – registr deyiladi.

Registr – cheklangan o’lchamdagi berilganlarni vaqtinchalik saqlashga mo’ljallangan oddiy qurilma.

Registr kompyuter qurilmalariaro uzatiladigan berilganlarni saqlash vazifasini bajaradi. Registrni muhim jixatlaridan biri berilganlarni yuqori tezlikda qabul qilish va uzatish hisoblanadi. Registr so’z, buyruq, ikkilik soni va boshqalarni tez yozish, eslab qolish va hisoblash mumkin bo’lgan yacheykalardan iborat. Ko’p hollarda registrning o’lchami mashina so’zi o’lchami kabi bo’lishi mumkin.