Dehqonchilik ilmiy izlanish asoslari bilan fanidan ma’ruza ma'tinlari doc

3. Ilmiy ish yakuni bo’yicha hisobot yozish. Har yili tajriba tugagandan keyin ilmiy xodim tadqiqot ishi bo’yicha yillik hisobot yozadi. Hisobotda tadqiqot natijalarining asosiy mazmuni aks ettiriladi. Uning taxminiy hajmi 15-20 betdan iborat bo’ladi.
Hisobotning tarkibiy qismlariga titul varaqasi, bajaruvchilar ro’yxati, so’z boshi, masalaning holati haqida qisqacha tavsif (adabiyotlar sharxi), tadqiqot uslubi, tadqiqot o’tkazilgan joyning tuproq-iqlim sharoitlari, tadqiqot natijalari va ularning taxlili, tajribada ishlab chiqilgan tadbirning iqtisodiy samaradorligi, xulosa va takliflar, foydalanilgan adabiyotlar ro’yxati va ilovalar kiradi.

1. 
   Titul varaqasi – varaqning yuqori qismida oliy ta’lim muassasasini qaramog’iga olgan tegishli Vazirlik nomi, muassasa nomi, mavzuning nomlanishi, bajaruvchining va ilmiy rahbarning familiyasi, ismi, sharifi yoziladi, varaqning pastki qismida tadqiqot o’tkazilgan joy va yil ko’rsatiladi.
   
2. 
   So’z boshi (kirish) qismida ushbu mavzu bo’yicha ilmiy tekshirishning amaliy va nazariy ahamiyati, maqsadi, masalaga tegishli davlat va hukumat qarorlari va ularning qishloq xo’jaligini rivojlantirishdagi roli qisqacha bayon etiladi, bundan tashqari mavzuning bugungi kundagi dolzarbligi va original ekanligini ko’rsatib, boshqa fanlar rivoji bilan bog’liqligini isbotlay olishi kerak (2-3 bet).
   
3. 
   Masalaning holati haqida qisqacha tavsif (adabiyotlar sharxi) qismida ushbu mavzuga tegishli adabiyotlarni taxlil qilish orqali masalaning qay darajada yechilganligini aniqlash. Bunda chop etilgan ilmiy ishlar taxlili talab darajasida kiritilgan bo’lishi kerak. Bu talablar: asosiy fikr, natijaning haqiqiy ishonchligi, mantiqiy tartibi, aniqlik, qisqalik, ma’nolik, tajribadan olingan natijalarning ilmiy yakunini yasash, boshqacha qilib aytganda,
   

113

muallif tomonidan original fikrni bayon qilish va uning mantiqiy ketma-ketligi, to’plangan ashyolarni o’z ichiga olib, ularni guruhlarga bo’lish, taxlil kilish xamda yaxlit ilmiy ishni barpo qilish bilan tugallanadi (6-8 bet).

4.