Dehqonchilik ilmiy izlanish asoslari bilan fanidan ma’ruza ma'tinlari doc

Birlamchi xujjatlarga ilmiy xodimning dala kundaligi daftari, dala tajribasi jurnali va ishchi daftari kirib, ularning sahifalari raqamlangan, ip bilan tikilib, tashkilot rahbarining imzosi va muhri bilan tasdiqlangan bo’lishi kerak va undagi hyech qanday raqamlarni o’zgartirish mumkin emas. Ma’lumotlar oddiy qora qalamda yoziladi.
Birlamchi xujjatlardan asosiylari dala tajriba jurnali va laboratoriya taxlil jurnali hisoblanadi. Dala tajriba jurnalida quyidagilar yoritilishi lozim:

1. 
   tajribaning nomi;
   
2. 
   mavzu;
   
3. 
   bajaruvchi va ilmiy rahbar;
   
4. 
   ishning boshlanishi va tugashi;
   
5. 
   ekin turi;
   
6. 
   navi;
   
7. 
   bajarish joyi;
   
8. 
   tadqiqot uslubi;
   
9. 
   tajriba sxemasi va tajriba dalasida variantlarni joylashtirishning sxematik rejasi yozilishi kerak.
   

Undan keyingi betlarda tajriba dalasida qilinadigan ishlar va ularni bajarish kalendar muddatlari ko’rsatiladi. Kuzatish xili, ularni hisoblash usullari ko’rsatilib, o’lchangan ko’rsatkichlar tegishli xujjat namunasiga yoziladi.
Jurnal idishlar yordamida amalga oshiriladigan vegetasion tajribalarniki bo’lsa, ularning alohida joy o’rni, uning hajmi va boshqa ma’lumotlar kiritiladi.
Jurnal faqat dala tajribasiga tegishli bo’lsa, yuqoridagilardan tashqari, tajriba uchastkasining yorug’lik tomonlariga nisbatan joylashuv oriyentasiyasi, tajriba chegaralariga qoqilgan qoziqlar o’rni, uchastka shakli, takrorliklar o’rni, paykallarning joylashish tartiblari ham ko’rsatilib o’tiladi.
Dala tajriba jurnallarini birlamchi rasmiylashtirilishini va unda kuzatish va hisobga olish natijalarini aks ettirish uchun jadval shakllarini tuzishni dala tajribalari boshlangunga qadar ilmiy xodim ilmiy rahbar maslahati bilan amalga oshiradi. Jurnaldagi jadval shakllari ilmiy tadqiqot dasturida belgilangan hisob birligi miqdoriga va kuzatishlar soniga bog’liq holda tuziladi.
Fenologik kuzatishlar, biometrik o’lchashlar, hosilni hisobga olishlar va boshqa ilmiy tadqiqot dasturida belgilangan kuzatish natijalari jurnalda avvaldan tayyorlangan shakllarga yozib boriladi. Dala jurnaliga yozilgan raqamlarni o’chirish mumkin emas, faqat ustidan chizib, tepasiga yoki yoniga yangidan yoziladi.

112