Davolash fakulteti ichki kasalliklar propedevtikasi, kasb kasalliklari, gematologiya va X d. t

Patologik fiziologiya

Siroz (cirrosis) – grekcha so’zdan olingan bo’lib, limonga o’xshash sariq degan ma’noni bildiradi.Bunda parenximatoz a’zolardan biriktiruvchi to’qima o’sib, uning tuzilishi o’zgaradi, qattialashish va deformatsiya kuzatiladi.

Morfologik belgilariga ko’ra kichik tugunli – mikronodulli, katta tugunli – makronodulli, aralash – makro-mikronodulli va to’liq bo’lmagan septal jigar sirrozlari farqlanadi.

Jigar sirrozi turli surunkali jigar kasalliklarining oxirgi bosqichi bo’lib hisoblanadi. Virusli gepatitda virusning persistentlanishi kuzatiladi, u faqat virus antigeniga qarshi immunokompetent hujayralarni sensibilizatsiyaga olib kelmay, balki gepatotsitlarni ham nobud bo’lishiga olib keladi. Jigar to’qimalariga qarshi qaratilgan immunopatologikjarayon birlamchi etiologic omil yo’qligida ham davom etishi mumkin.Jarayon ikkilamchi autoimmun bo’lishi mumkin.Masalan, jigar ichkilik tufayli shikastlanganda jarayon keyinchalik ichkilik ichmasa ham rivojlanishda davom etadi.

Jigar sirrozida jigar parenximasining destruksiyasi va buzilgan regeneratsiyasi yuzaga keladi.Buning natijasida biriktiruvchi to’qimaning diffuz o’sishi vujudga kelib, a’zo sklerozga uchraydi, yolg’on bo’lmalar hosil bo’ladi. Skleroz o’zgarishlar darvoza venasida bosim oshishiga sabab bo’ladi va portal gipertenziya rivojlanadi.

Nekrozdan keyingi sirroz jigar parenximasining ulkan nekrozidan so’ng rivojlanadi va biriktiruvchi to’qima o’sishiga olib keladi.