Давлатнинг таркибий-инвестициявий сиёсати

ДАВЛАТНИНГ ТАРКИБИЙ-ИНВЕСТИЦИЯВИЙ СИЁСАТИ

1. Давлат таркибий сиёсатининг моҳияти ва зарурияти

2. Миллий иқтисодиёт тармоқларини ривожлантиришда инвестицияларни жалб қилишнинг аҳамияти

3. Иқтисодиёт тармоқларига инвестицияларни жалб қилишнинг меъёрий ҳуқуқий асосларининг яратилиши

Мавзунинг қисқача мазмуни: давлатнинг таркибий сиёсатининг моҳияти, зарурияти, асосий йўналишлари, давлатнинг инвестиция сиёсати ва унинг меъёрий ҳуқуқий асослари

Давлат таркибий сиёсатининг моҳияти ва зарурияти

Республика иқтисодиётининг таркибий тузилишини такомиллаштиришнинг устуворликлари сифатида қуйидагиларни ажратиб кўрсатиш мақсадга мувофиқ:

1. Ўзбекистоннинг экспортга йўналтирилган ривожланишида халқаро савдо ва жаҳон бозорида нисбий устунликка эга бўлган анъанавий тармоқларни жадал ривожлантиришга устуворлик бериш

2. Республикада ЯИМ ишлаб чиқаришнинг тармоқ тузилишини унда саноат маҳсулотлари улушини ўстириб бориш ва қишлоқ хўжалиги улушини пасайтириш ҳисобига сезиларли такомиллаштириш вазифаси қўйилади

3. Саноатда экспортга йўналтирилган ишлаб чиқаришни ривожлантиришда таркибий силжишларнинг бош йўналиши индустриаллаштириш, яъни қайта ишловчи саноат устуворликка эга бўлган индустриал иқтисодиётга ўтиб бориш ҳисобланади

4. Иқтисодиётнинг такрор ишлаб чиқариш тузилишини такомиллаштириш

Иқтисодий ўсишни таъминлашга қаратилган давлатнинг таркибий сиёсати бир қатор йўналишлар билан бориши зарур:

Биринчидан, миллий иқтисодиётнинг таркиби ялпи миллий маҳсулот ҳажмида пировард маҳсулотларнинг ўсиб боришини таъминлаш талабларига жавоб берадиган тарзда такомиллаштирилиб борилиши лозим.

Иккинчидан, иқтисодий ресурслар ва шу жумладан, ишчи кучининг самарали банд бўлиши муаммосини ҳал қилиб бориш ҳам таркибий сиёсатда ўз ифодасини топиши керак.

Учинчидан, таркибий сиёсатда иқтисодий ўсишнинг интенсив омиллари устуворлигини таъминлаб бориш ҳисобга олиниши зарур.