Давлатнинг асосий ички функцияларига қуйидагиларни киритиш мумкин

Ижтимоий функциялар
а) жамиятнинг ёрдамга муҳтож аъзоларини ижтимоий қўллаб-қувватлаш; б) соғлиқни сақлашга, халқ таълимига, маданий муассасалар қурилишига зарур маблағ­ларни ажратиш; в) ялпи ижтимоий ҳимоядан ишончли ижтимоий кафолатлар тизимига изчил ўтишни амалга ошириш; г) адолат усту­ворлигига оғишмай амал қилиш принципи.
ижтимоий вазифалар

• 
  ижтимоий адолат принципини амалга ошириш, энг кам таъмин­ланган аҳоли қатламлари — кексалар, ногиронлар, етимлар, кўпболали оилалар, ўқувчи ёшларнинг кафолатланган ҳуқуқларини таъминлаш;
  
• 
  ҳамма фойдалана оладиган сифатли тиббий хизматни таъмин­лаш, оналик ва болаликни муҳофаза этиш бўйича таъсирчан чора­ларни амалга ошириш, гўдаклар ўлимини камайтириш, одамлар ум­рини узайтириш;
  
• 
  умумий маълумот олиш, эркин касб танлаш ва тегишли мах­сус тайёргарликка эга бўлишда ҳаммага тенг ҳуқуқларни тақдим этиш. Миллий, тарихий ва маданий анъаналарни ҳисобга олган ҳолда, таълимнинг янги концепциясини ишлаб чиқиш;
  
• 
  ижодкорликнинг барча турларини ривожлантириш, одамлар­нинг иқтидорлари ва қобилиятларини қанот ёйдириш учун шарт-шароитлар яратиш, интеллектуал мулкни муҳофаза этиш.
  

Мустақиллик боис мамлакатимизда янги ижтимоий сиёсатни шакллантириш зарурати долзарб аҳамият касб эта бошлади: Шу боис ислоҳотлар давомида кишилар ўз меҳнат ва ақлий имконият­ларини амалга оширишлари, қилган меҳнатларига муносиб ҳақ олишлари учун мамлакатимиз асосий Қонунида кўзда тутилган тенг ижтимоий кафолатлар ва имкониятларни таъминлаш ҳамда ташаб­бускорлик ва омилкорлик бутун чоралар билан рағбатлантирилиши зарур бўларди. Айни пайтда ҳақиқатан ёрдамга муҳтож аҳолини аниқлаб, шунга кўра уларни ижтимоий қўллаб-қувватлашга ўтишдир.
Молиявий назорат функцияси.
Бу функция бевосита ва би­ринчи навбатда солиқ сиёсати билан боғлиқдир. Ўз навбатида,Биринчи Пре­зидентимиз таъкидлаганидек: «солиқ тизимининг энг муҳим ва­зифаси — ишлаб чиқаришни ривожлантиришга, моддий хом ашё, табиий, молиявий ва меҳнат ресурсларидан, тўпланган мол-мулкдан самарали фойдаланишга рағбатлантирувчи таъсир кўрсатишдир».
Бунинг учун қуйидаги вазифаларни ҳал этиш заруреди:

• 
  корхоналарда солиқлар юкини кескин енгиллаштириш;
  
• 
  даромад солиғи ўрнига фойдадан солиқлар ундиришга ўтиб, со­лиқлар юкини пасайтириш;
  
• 
  қўшимча қийматдан олинадиган солиқ миқдорини камайти­риш;
  
• 
  тегишли бюджетларни шакллантириш манбалари сифатида рес­публика ва маҳаллий бюджетлар ўртасидаги чегарани аниқ бел­гилаб қўйиш. Уни амалга ошириш омили сифатида давлат бюджети даромадларининг катта қисмини жойларга бериш, маҳаллий бюд­жетларни мустаҳкамлаш заруреди.¹
  

Профeссор Сайдуллаёнинг фикрича:
1.иқтисодий функция; 2.ижтимоий функция; 3.сиёсий функция; 4.ҳуқуқий тартиботни таъминлаш функцияси; 5.экологик функция ва бошқа функциялар.