Davlat va huquq nazariyasi fanidan oraliq nazorat ishi

Ushbu kazusni doirasida quyidagi masalalarga oydinlik kiritish talab etiladi:

1. 
   Qonun ijodkorligi jarayoni va bosqichlari?
   

2. 
   Qonunchilik tashabbusi?
   

3. 
   Qonun loyihasi muhokamasi?
   

4. 
   Qonunni qabul qilish?
   

5. 
   Qonunni imzolash va e’lon qilish?
   

6. 
   Senat va Qonunchilik palatasining birgalikdagi vakolatlari?
   

2. 
   Asosiy qisim.
   

Javoblar.

1.	Qonun ijodkorligi jarayoni va bosqichlari?

Qonun ijodkorligi vakolatli davlat organining qonunlarni ishlab chiqish va qabul qilishga qaratilgan, aniq maqsadga yo‘naltirilgan faoliyatidir. Mazkur faoliyat ijodiy jarayon bo‘lib bunda xalqning irodasi aniqlanadi, shakllantiriladi va belgilangan tartibda qonun darajasiga ko'tariladi. Qonun va qonun chiqarish bilan bog'liq faoliyat jamiyat taraqqiyotining barcha bosqichlarida muhim o‘rin tutgan. Qonunlarning eng asosiy ijtimoiy vazifasi - jamiyatda tartib, intizom va barqarorlikni ta’minlashdan iborat.

Qonun bu vakolatli davlat organi tomonidan yoki referendum o‘tkazish yo‘li bilan belgilangan tartibda qabul qilinadigan, oliy yuridik kuchga ega bo‘lgan, eng muhim va barqaror ijtimoiy munosabatlarni tartibga solishga qaratilgan normativ - huquqiy hujjatdir.

Qonun ijodkorligi jarayoni deganda qonun chiqaruvchi hokimiyat organining o‘z vakolatidan kelib chiqqan holda qonunni qabul qilish, uni o'zgartirish yoki jamiyat hayotida uzoq muddat davomida amalda bo‘lib, ijro etilishi odatiy holga aylangan odat, axloq yoki boshqa ijtimoiy normalarni sanksiyalashga qaratilgan faoliyati tushuniladi.

Qonun ijodkorligi jarayoni - qonun chiqaruvchi hokimiyat organining qonunchilikda belgilangan tartibda qonunlar yaratishga, amaldagi qonunlarga o'zgartirish va qo‘shimchalar kiritishga qaratilgan, shuningdek eskirgan qontmlarni bekor qilish borasidagi harakatlari yig‘indisi bo‘lib, u qonun bilan tartibga solinishi zarur bo'lgan munosabatlarni aniqlash, qonun loyihasini tayyorlash, uni muhokama etish, qabul qilish va e’lon qilishni o‘z ichiga oladi.
Qonun chiqarish jarayoni bosqichlariga quyidagilar kiradi:
1) qonunchilik tashabbusi;
2) qonun loyihasi muhokamasi;
3) qonunni qabul qilish;
4) qonunni imzolash va e’lon qilish.¹
Qonun ijodkorligi bugungi kunda Qonunlarning eng asosiy ijtimoiy vazifasi - jamiyatda tartib, intizom va barqarorlikni ta’minlashdan iborat.
Qonunlar belgilangan vakolatli organlar tomonidan qabul qilinadi.