Давлат солиқ хизмати органлари мансабдор

628-савол. Солиқ органларида рўйхатга олинмаган назорат-касса 
техникасини қўллаган ёки сотиб олувчига квитанциялар, талонлар, 
чеклар ёки уларга тенглаштирилган ҳужжатларни берган ҳолда савдони 
амалга оширганлик ва (ёки) хизматлар кўрсатганлик, учун қандай 
миқдорида жарима назарда тутилган? 
Жавоб: 
Етти миллион сўм миқдорида жарима солишга сабаб бўлади. 
629-савол. Бошқа шахслар номига расмийлаштирилган ҳисоб-китоб 
терминалларидан солиқ тўловчи томонидан фойдаланилиши, учун 
қандай миқдорида жарима назарда тутилган? 
Жавоб: 
Йигирма миллион сўм миқдорида жарима солишга сабаб 
бўлади. 
630-савол. Якка тартибдаги тадбиркор томонидан даромадлар ва 
(ёки) харажатларни ҳисобга олиш (даромадлар ва харажатлар ҳисобини 
юритиш китоби) қоидаларини бузиш учун қандай миқдорида жарима 
назарда тутилган? 
Жавоб: 
Беш юз минг сўм миқдорида жарима солишга сабаб бўлади. 
631-савол. Солиқ базасини яшириш (камайтириб кўрсатиш) учун 
қандай миқдорида жарима назарда тутилган? 
Жавоб: 
Яширилган (камайтириб кўрсатилган) солиқ базаси 
суммасининг йигирма фоизи миқдорида жарима солишга сабаб бўлади. 
632-савол. Ҳисобварақ-фактураларни расмийлаштириш тартибини 
бузиш учун қандай миқдорида жарима назарда тутилган? 
Жавоб: 
Маҳсулот етказиб берувчиларга ҳисобварақ-фактурада 
кўрсатилган қўшилган қиймат солиғи суммасининг йигирма фоизи миқдорида 
жарима солишга сабаб бўлади. 
СОЛИҚ ТЎЛОВЧИЛАРГА ХИЗМАТ КЎРСАТИШ 
ДЕПАРТАМЕНТИ БЎЙИЧА САВОЛЛАР
 
 
ЮРИДИК ШАХСЛАРГА ХИЗМАТ КЎРСАТИШ 
БОШҚАРМАСИ БЎЙИЧА САВОЛЛАР 
 
633-савол: Акциз солиғи тўловчилар кимлар? 
Жавоб: 
Солиқ кодексининг 283-моддасига асосан
 
акциз солиғини 
тўловчилар (бундан буён ушбу бўлимда солиқ тўловчилар деб юритилади) деб 
қуйидаги шахслар эътироф этилади: 

---

131 
1) Ўзбекистон Республикаси ҳудудида акциз солиғи солинадиган 
товарларни 
(акциз тўланадиган товарларни)
ишлаб чиқарувчилар; 
2) табиий газни истеъмолчиларга реализaция қилишни амалга 
оширувчилар; 
3) бензин, дизель ёқилғисини якуний истеъмолчиларга реализaция 
қилишни, шу жумладан автомобилларга ёқилғи қуйиш шохобчалари орқали, 
шунингдек газни газ тўлдириш станциялари ва газ тўлдириш пунктлари 
орқали реализaция қилишни амалга оширувчилар. Ушбу бўлимни қўллаш 
мақсадида якуний истеъмолчилар деганда ўз эҳтиёжлари учун бензин, дизель 
ёқилғиси ҳамда газ олувчи юридик ва жисмоний шахслар тушунилади; 
4) оддий ширкат иштирокчиси бўлган, оддий ширкат шартномаси 
доирасида амалга ошириладиган акциз тўланадиган товарни ишлаб чиқариш 
билан боғлиқ бўлган фаолият бўйича оддий ширкат ишларини юритиш 
вазифаси зиммасига юклатилган ишончли шахс; 
5) Ўзбекистон Республикасининг божхона ҳудуди орқали акциз 
тўланадиган товарларни олиб ўтувчилар. Божхона тўғрисидаги қонунчиликка 
мувофиқ мазкур шахслар солиқ тўловчилар деб эътироф этилади. 
Қуйидагилар ҳам солиқ тўловчилар деб эътироф этилади: 
1) телекоммуникaция мобил алоқа хизматларини (акциз тўланадиган 
хизматларни) кўрсатадиган Ўзбекистон Республикаси юридик шахслари; 
2) Ўзбекистон Республикасида фаолиятни доимий муассаса орқали 
амалга оширадиган, акциз солиғи солинадиган товарларни ишлаб чиқарувчи 
ёки шундай товарларни олиб киришни амалга оширувчи чет эл юридик 
шахслари.