Давлат солиқ хизмати органлари мансабдор

тусидаги бошқа учрашувларда олинган қанча 
миқдордан ортиқ қимматбаҳо совғалар белгиланган тартибда бюджет 
даромадига ўтказилади? 
Жавоб: 
200 АҚШ долларига тенг миқдордан ортиғи. Аммо Давлат 
солиқ хизмати органлари мансабдор шахсларининг спорт мусобақаларида, 
ижодий ва касб бўйича танловларда олган шахсий совринлари бундан 
мустасно. 
ХАЛҚАРО СОЛИҚ МУНОСАБАТЛАРИ БОШҚАРМАСИ 
БЎЙИЧА САВОЛЛАР
 
 
1212-савол. Солиқ кодексининг 30-моддасига асосан қандай 
шартларда жисмоний шахс 12 ойлик муддат тугагунга қадар Ўзбекистон 
Республикасининг солиқ резиденти деб тан олиниши мумкинми? 
Жавоб: 
Жисмоний шахс солиқ органларига берган аризасига кўра, агар 
бу шахс узоқ муддатли меҳнат шартномаси ёки бошқа ҳужжат тақдим этса, 
12 ойлик муддат ўтгунга қадар Ўзбекистон Республикасининг солиқ 
резиденти деб тан олиниши мумкин. 
1213-савол. Чет давлат фуқароси ёки фуқаролиги бўлмаган 
шахснинг қайси даврлар мобайнида бўлган вақти унинг Ўзбекистон 
Республикасида ҳақиқатда бўлган вақтига тааллуқли ҳисобланмайди? 
Жавоб:
 
1) дипломатик ёки консуллик мақомига эга бўлган шахс сифатида; 
2) Ўзбекистон Республикаси иштирокчи бўлган халқаро шартномага 
мувофиқ ташкил этилган халқаро ташкилотнинг ходими сифатида; 
3) ушбу банднинг 1 ва 2-бандларида кўрсатилган шахсларнинг оила 
аъзоси сифатида, агар бундай шахс тадбиркорлик фаолиятини амалга 
оширмаган бўлса. 
1214-савол. Қайси шахс Солиқ кодексининг 6-моддасига мувофиқ 
юридик шахс томонидан тўланадиган даромадга ҳақиқий ҳуқуққа эга 
бўлган шахс деб тан олинади? 
Жавоб: 
Юридик шахс томонидан тўланадиган даромадлардан мустақил 
равишда фойдаланиш ва (ёки) уларни тасарруф этиш ҳуқуқига эга бўлган шахс 
ёхуд унинг манфаатларини кўзлаб бундай даромадларни тасарруф этишга 
ваколатли бўлган ўзга шахс ушбу даромадларга нисбатан ҳақиқий ҳуқуққа эга 
бўлган шахс деб топилади. Бунда бу ҳуқуқ ушбу юридик шахсда бевосита ва 
(ёки) билвосита иштирок этиш ёки унинг устидан назорат бўлганлиги ёхуд 
бошқа ҳолатлар туфайли юзага келганлиги аҳамиятга эга эмас. 

---

224