Давлат солиқ хизмати органлари мансабдор

1156-савол. Меҳнат шартномаси бекор қилинганида қандай ишлар 
амалга оширилиши лозим?
Жавоб:
Меҳнат шартномаси бекор қилинган куни иш берувчи ходимга 
унинг меҳнат дафтарчасини ва меҳнат шартномасининг бекор қилиниши 
ҳақидаги буйруқнинг нусхасини бериши шарт.
Меҳнат шартномаси бекор қилинган куни ходим ишда бўлмаган 
тақдирда, иш берувчи ўша куниёқ унга почта орқали меҳнат дафтарчасини 
олиб кетиш тўғрисида огоҳлантирувчи хабарнома жўнатади. Ходимнинг 
меҳнат дафтарчасини яшаш жойига почта орқали жўнатиш фақат унинг 
розилиги билан амалга оширилади. 
1157-савол. Интизомий жазо чораси қўллаш муддатлари ва нечта 
чора кўрилиши мумкинлиги тўғрисида гапириб беринг. 
Жавоб: 
Ҳар бир ножўя хатти-ҳаракат учун 
фақат битта
интизомий 
жазо қўлланиши мумкин. 

---

212 
Интизомий жазо бевосита ножўя хатти-ҳаракат аниқлангандан кейин, 
аммо бу хатти-ҳаракат аниқлангандан бошлаб, ходимнинг касал ёки таътилда 
бўлган вақтини ҳисобга олмасдан, узоғи билан 
бир ой ичида
қўлланилади. 
Ножўя хатти-ҳаракат содир этилган кундан бошлаб олти ой ўтганидан, 
молия-хўжалик фаолиятини тафтиш этиш ёки текшириш натижасида 
аниқланганда эса, — содир этилган кундан бошлаб икки йил ўтганидан кейин 
жазони қўллаб бўлмайди.
1158-савол. Давлат солиқ хизмати органи ходими томонидан хизмат 
гувоҳномасидан фойдаланишда қайси ҳаракатларни содир этган 
тақдирда лавозимидан озод этишгача бўлган жазо қўлланилади? 
Жавоб:
Давлат солиқ қўмитасининг 2012 йил 3 февралдаги 53-сонли 
буйруғи билан тасдиқланган Низомга асосан ходим қуйидаги ҳаракатларни 
амалга оширган тақдирда, унга нисбатан лавозимдан озод этишгача бўлган 
жазо чораси қўлланилади: 
- гувоҳномаларни гаровга қўйиш; 
- бошқа шахсларга фойдаланиш учун бериш; 
- рўкач қилиб, тадбиркорлик субъектлари фаолиятига асоссиз аралашиш 
ёки уларнинг ноқонуний ишларига ҳомийлик қилиш; 
- ёзувларни ўчириш, уларга ўзгартириш киритиш ва ўзгача шахсий 
манфаатларда фойдаланиш аниқланганида.