Давлат солиқ хизмати органлари мансабдор

556-савол: Қўшилган қиймат солиғининг солиқ солиш объекти 
нима?
Жавоб:
Реализaция қилиш жойи Ўзбекистон Республикаси бўлган 
товарларни (хизматларни) реализaция қилиш бўйича айланма. 
557-савол: Солиқ аудити натижалари бўйича қабул қилинган қарор 
устидан берилган шикоятлар юқори турувчи солиқ органи томонидан 
қайси муддатда кўриб чиқилади?
Жавоб:
Шикоят олинган санадан эътиборан бир ой ичида юқори 
турувчи солиқ органи томонидан кўриб чиқилади. 

---

120 
558-савол: Солиқ органининг юқори турувчи органига ёки судга 
шикоят берилганда қарор устидан шикоят қилинаётган солиқ органи 
қандай харакатни амалга ошириши лозим? 
Жавоб:
Солиқ органининг юқори турувчи органига ёки судга шикоят 
бериш тегишинча шикоят бўйича солиқ органининг юқори турувчи органи 
томонидан қарор қабул қилингунига ёки суднинг қарори қонуний кучга киргунига 
қадар шикоят қилинаётган қарорни ёки ҳаракатни ижро этишни, шу жумладан 
қўшимча ҳисобланган солиқлар ва йиғимларни ундиришни, шунингдек молиявий 
санкциялар қўлланилишини тўхтатиб туради. Солиқ тўловчи қайси солиқ 
органининг қарори ёки мансабдор шахсининг ҳаракатлари (ҳаракатсизлиги) 
устидан шикоят қилаётган бўлса, ўша органни солиқ органининг юқори турувчи 
органига ёки судга шикоят берганлиги тўғрисида тегишли тасдиқловчи 
ҳужжатларни илова қилган ҳолда хабардор қилиши шарт.
559-савол: 2020 йилнинг 1 январигача қабул қилинган норматив 
ҳужжатлардаги солиқ имтиёзлари қайси муддатга қадар амал қилади? 
Жавоб:
2020 йилнинг 1 январигача қабул қилинган солиқ тўғрисидаги 
қонун ҳужжатларида, шу жумладан Ўзбекистон Республикаси Президентининг ва 
Ўзбекистон Республикаси Вазирлар Маҳкамасининг қарорларида назарда 
тутилган имтиёзлар уларнинг амал қилиш муддати тугагунига қадар амал қилади.