Давлат мукофотига номзод

Боғот тумани 49-сон умумий ўрта таълим мактабининг
Информатика фани ўқитувчиси Содиқов Ҳайдаржон Сиддиқовичга

ТАВСИФНОМА
Содиқов Ҳайдаржон Сиддиқович 1990 йил 11 февралда Боғот туманида туғилган, миллати ўзбек, Ўзбекистон Республикаси фуқароси, маълумоти олий, 2012 йилда Тошкент ахборот технологиялар университети Урганч филалини Касбий таьлим мутахассислиги бўйича тугатган. Меҳнат стажи 9 йил. Мазкур вазифада 2012 йилдан ишламоқда.
Ҳ.Содиқов тажрибали педагог сифатида таълим жараёнига инновацион технологияларни татбиқ этиб, ёшларнинг интеллектуал салоҳиятини ошириш борасида самарали фаолият кўрсатиб келмоқда.
Моҳир ўқитувчи ўзи яратган «Информатика» мавзусидаги электрон дарс ишланмаси, мураккаб мавзуларни ўқитиш бўйича электрон слайд ва плакатлардан дарс машғулотларида самарали фойдаланмоқда.
Мактабда анъанавий тарзда ҳар йили ўтказиладиган вилоят ўқитувчиларининг илмий-назарий анжуманида информатика фанига оид долзарб маърузалари билан фаол иштирок этмоқда.
Ҳ.Содиқовнинг иш фаолияти давомида ўқув юртида ва туманда ўтказиладиган тадбирларга ўқувчиларни тайёрлашда, уларнинг нутқий саводхонлигининг ошишида, жамоат ишларининг барчасида унинг самарали меҳнати катта.
Ҳ.Содиқов мактабда ўқитувчилик борасида изланувчан, ўқувчиларни ўз фанига қизиқтира оладиган, ўқув жараёнида янги педагогик технологиялар ва ноанъанавий усулларда ўқитишни тарғиб қилувчи ўқитувчи сифатида танилган.
Ўқувчиларнинг бўш вақтларини самарали ташкил этиш
ва иқтидорини ривожлантириш мақсадида «Информатика» тўгарагини ташкил этиб, фанга қизиқувчи 15 нафар ўқувчилар учун қўшимча машғулотлар ўтказмоқда.
Маҳоратли педагогнинг ўқувчилари умумтаълим фанлари олимпиадасида
муваффақиятли қатнашиб туман босқичларида фахрли ўринларни эгаллаб келмоқдалар.
Билим масканида ва маҳаллада ўтказилаётган тадбирларда фаол қатнашиб, мамлакатимиз таълим тизимида амалга оширилаётган ислоҳотлар ва уларнинг самараларини кенг тарғиб қилиб келмоқда.
Ҳ.Содиқов чуқур билимга эга педагог, ташкилотчи раҳбар сифатида туман мактаблари педагоглари ва аҳоли ўртасида ҳурмат қозонган.
Мактаб директори: С.Содиқов