Давлат божхона хизмати органларига

2018 йил Ўзбекистонда қандай номланган?
Жавоб: "Фаол тадбиркорлик, инновацион ғоялар ва технологияларни қўллаб- қувватлаш йили”.


Қайси давлатда “2018 йил – Ўзбекистон йили”, - деб эълон қилинган?
Жавоб: Қозоғистон Республикасида.


Ўзбекистон пойтахти Тошкент шаҳри дунёга қандай номлари билан
машҳур?
Жавоб: Тошкент – нон шаҳри, Тошкент – тинчлик ва дўстлик шаҳри,
Тошкент – Шарқ дарвозаси номлари билан машҳур.


Ўзбекистон Республикаси Конституциясига оид саволлар


Ўзбекистон Республикаси Конституциясини тузилишини айтинг.
Жавоб:
Ўзбекистон Республикаси Конституциясининг тузилиши қуйидагилардан иборат; Муқаддима, 6-бўлим, 26-боб, 128-модда.


Ўзбекистон Республикаси Конституцияси қачон қабул қилинган?
Жавоб:
Ўзбекистон Республикаси Конституцияси 1992 йил 8 декабрда 12-чақириқ Ўзбекистон Республикаси Олий Кенгашининг 11-сессиясида қабул қилинган.


Ўзбекистон Республикаси Конституциясининг асосий принципларини айтинг.
Жавоб: Ўзбекистон Республикаси Конституциясининг асосий принциплари қуйидагилардан иборат; Давлат суверенитети, Халқ ҳокимиятчилиги, Конституция ва қонуннинг устунлиги, Ташқи сиёсат.


Ўзбекистон Республикаси Конституциясида берилган инсон ва фуқароларнинг асосий ҳуқуқ ва эркинликларини айтинг
Жавоб:
Инсон ва фуқароларнинг шахсий ҳуқуқ ва эркинликлари;
Инсон ва фуқароларнинг сиёсий ҳуқуқлари;
Инсон ва фуқароларнинг иқтисодий ва ижтимоий ҳуқуқлари.


Ўзбекистон Республикаси халқи номидан ким иш олиб бориши мумкин?
Жавоб: Ўзбекистон Республикаси Конституциясининг 10-моддасига асосан Ўзбекистон Республикаси халки номидан фақат у сайлаган Республика Олий Мажлиси ва Президент иш олиб бориши мумкин.