Давлат божхона хизмати органларига

ТАННАРХ
Бирор товар ёки маҳсулотни ишлаб чиқариш ва сотиш учун кетган барча харажатларнинг пулдаги кўриниши.


ФЮЧЕРС БИТИМИ
Битим тури бўлиб, унинг шартлари товарлар, молия воситалари, валюталар ва индекслар бўйича келишилган вақтда белгиланган нах билан келгусида амалга оширилади. Ф.б. бир шахсдан бошқа шахсга ўтказиши, шу сабабли қимматли қоғоз тарзида сотилиши ва харид қилиниши мумкин.


ФОЙДА - 1) бирор кимса ёки нарса учун бўладиган наф, манфаат; 2) даромаднинг харажатга нисбатан фарқидан ташкил топган сумма, маблағ, даромад; 3) қарзга берилган пулдан фойдаланилганлиги учун қарздордан қарз берувчи (кредитор) оладиган қўшимча пул, ҳақ.


ФОЙДА БИЛАН ДАРОМАДНИНГ ФАРҚИ
Даромад – корхонанинг маълум вақт давомида товар ва хизматларни сотишдан қўлга киритган жами пул тушуми.
Фойда – корхонанинг маълум вақт давомидаги ялпи даромади билан умумий харажатлари орасидаги фарқ.


ФОРС-МАЖОР
Ёнғин, табиий офат, уруш, қамал каби кутилмаган шароитларда томонлардан қайси бири бўлсада ўз мажбуриятларини қисман бажара олмай қолган вазият. Икки томон бу ҳақда олдиндан келишиб олиши лозим.


ЭМБАРГО
Товарлар, қимматли қоғозлар, олтин кабиларни бошқа мамлакатлардан келтириш ёки олиб чиқишни давлат томонидан тақиқлаш. Тинчлик даврида бошқа мамлакатларга иқтисодий ва молиявий таъсир қилиш, уруш даврида эса иқтисодий блокада қилиш.
ЁПИҚ ТУРДАГИ АКЦИОНЕРЛИК ЖАМИЯТИ
Акциялари очиқ савдога чиқарилмайдиган акционерлик жамияти бўлиб, таъсисчилар қарорига мувофиқ унинг акциялари ёпиқ обуна шаклида тарқатилиши мумкин.


ХАЛҚАРО ВАЛЮТА ФОНДИ - халқаро молия валюта ташкилоти. Уни тузишдан мақсад халқаро савдони ривожлантириш, валюта курсини, меъёрларини, нисбатларини белгилаш, кўп томонли тўловлар тизимига риоя қилинишини назорат қилиш ҳамда фонд аъзоларига валюта етишмовчилиги ҳолатларида кредит, қарз беришдир.


ХУСУСИЙ МУЛК - бирор шахс, оила, корхона, фирма, ташкилот мулки- ер, уй-жой, бино, иншоотлар ва ишлаб чиқариш воситалари, пул, қимматбаҳо қоғозлар. ХМ ишлаб чиқариш ёки ўз қобилиятини ишга солишдаги тадбиркорлик, ўз хўжалигини юритиш, даромадни турли қимматбаҳо қоғозларга жойлаштириш натижасида, меросга қолган мулк ва бошқа қонун йўл қўядиган соҳалар асосида юзага келади ва кўпайиб боради.