Давлат божхона хизмати органларига

МИКРОИҚТИСОДИЁТ - корхона, фирмалар, яъни иқтисодиётни бирламчи, бошланғич бўғини ҳақидаги иқтисодиётдир. У чекланганлик, танлаш ва муқобил қиймат сингари тушунчалар билан, шунингдек ишлаб чиқариш ва истеъмоллар билан шуғулланади.


МИЛЛИЙ БОЙЛИК - инсоният жамияти тараққиёти томонидан яратилган ҳамда авлодлар томонидан жамғарилган моддий ва маънавий бойликлар, табиий ресурслардан иборат.


МИЛЛИЙ ДАРОМАД - муайян мамлакатда бир йилда моддий ишлаб чиқариш соҳалари томонидан янгитдан ҳосил қилинган қиймат ёки бошқача қилиб айтганда, ялпи ижтимоий маҳсулотнинг ишлаб чиқариш жараёнида сарф қилинган ишлаб чиқариш воситалари қиймати чегириб ташланганидан сўнг қолган қисми. МД моддий неъматлар ишлаб чиқариладиган шароитларда жонли меҳнат воситасида яратилиб, ҳам қиймат- пул, ҳам моддий-буюм шаклига эга бўлади.


МОДЕРНИЗАЦИЯ НИМА ?
Янгиланиш, янгиликни татбиқ этиш


НОУ-ХАУ
Тижорат қийматига эга бўлган молиявий, бошқарув, техник, ишлаб чиқариш бўйича билим ва амалий тажрибалар бўлиб, улар патент билан ҳимояланмаган. Ноу-хауга бошқарув, ишни яхшилаш, ишлаб чиқаришни ривожлантириш учун қўллаш мумкин бўлган ҳужжатлар (схемалар, лойиҳалар) ишлаб чиқариш ва бошқариш самарадорлигини ташкил қилиш бўйича маълумотлар кўринишида бўлиши мумкин.


ОФЕРТА
Оферта (таклиф) – бир шахснинг (оферентнинг) иккинчи шахсга (акцептантга) шартнома тузиш тўғрисидаги ёзма ёки оғзаки таклифи. Агар офертага (таклифга) акцептант (розилик берувчи) розилик берса шартнома қабул қилинади ва юридик кучга эга бўлади. Оферта белгиланган муддатда амал қилади, акцептант офертани шу муддат ичида розилик бериб қабул қилиши мумкин бўлади.
Масалан, товар эгаси товарни белгиланган муддат ичида сотиш мажбуриятини бўйнига олиши тўғрисида иккинчи томонга таклиф қилади. Шу муддат ичида сотиб олувчи томоннинг акцепти (розилиги) келса олди-сотди битими тузилган ҳисобланади.


ПРОТЕКЦИОНИЗМ - миллий иқтисодиётни бошқа давлатлар билан бўладиган рақобатдан божхона тўсиқларини жорий қилиш, мамлакатга чет эл товарлари, хизмат турлари ва капиталларини кириб келишини чеклаш йўли билан ҳимоя қилиш ва сақлашга йўналтирилган.