Датчиклар

электромагнит нурланиш
ингл: electromagnetic radiation
рус: электромагнитное излучение
Фазода электромагнит тўлқинларнинг
нурсимон тарқалиши. Электромагнит
нурланиш фотонлардан (бу нурланиш
элементар зарраларидан) таркиб топган. У ваакумда ҳам, эфирда ҳам ёруғлик тезлигида тарқалади.
электромагнит спектр
ингл: electromagnetic spectrum
рус: электромагнитный спектр
Электромагнит нурланишнинг барча қатор имконий частоталаридир. Электромагнит спектр гамма нурланиш орқали ишлайдиган замонавий радиолар паст частотали қисқа тўлқинлардан тортиб то минглаб километр пастдаги атом ўлчамидаги узун тўлкинларни ўз ичига олади.
электромагнит тўлқин
ингл: electromagnetic wave
рус: электромагнитная волна
Фазода тарқаладиган электромагнит
тебранишлар. Радионурланиш, ёруғлик ва бошқа турдаги электромагнит тебранишлар тебранишлар частотаси ҳар хил бўлган электромагнит тўлқинлардир. Улар электромагнит спектрни ташкил қилади.
электроника
ингл: electronics
рус: электроника
Электронларнинг электромагнит майдонлар билан ўзаро таъсири ва улар асосида ахборот тўплаш, сақлаш, узатиш ва унга ишлов бериш услубларини яратиш тўғрисидаги фан. Электроника фақатгина назарияни ўрганибгина қолмай, турли объектларни, шу жумладан, интеграл схема, компьютер, тизим, асбоб ва қурилмаларни яратиш услубиятини ҳам ўз ичига олади. 1960 йиллар бошида кичиклаштириб ясалган электрон қурилмаларни яратиш муаммосини ўрганадиган электрониканинг бир қисми бўлган микроэлектроника пайдо бўлди. Сўнгги йилларда атом поғонасида ишлаш имконини берадиган наноэлектроника ривожланмоқда. Оптоэлектрониканинг пайдо бўлиши лазерлар, ёруғлик сигналлари ва ёруғлик узатгичларидан кенг фойдаланилиши билан боғлиқ.
Шунингдек, акустоэлектроника, автомобил электроникаси ва маиший электроника ҳам кенг ривожланмоқда.
Ўў
ўзак
ингл: kernel
рус: ядро
Операцион тизимнинг марказий бўлаги. У мосламаларга компьютер ресурсларига (процессор вақти, хотира ва ташқи аппарат таъминоти) кириш имкониятини беради. Шунингдек, ўзак актив тизими ва тармоқ протоколлари сервисини амалга оширади.
ўзгартиргич
ингл: conversion
рус: преобразователь
Сигналларни бир кўринишдан бошқасига (масалан, кетма-кетдан параллелга ёки аналог кўринишдан дискрет кўринишга) айлантириш қурилмаси, шунингдек, сигналларни бир частотатадан бошқасига ўтказиш амалларини бажаради.
ўзгартириш
ингл: conversion
рус: преобразование
1 Сигналларни бир кўринишдан бошқасига, трансформациялаш билан боғлиқ ҳолда уларнинг тузилмасини ўзгартириш жараёни.
2 Ахборотнинг уни узатиш, акс эттириш,
ишлов бериш, ҳужжатлаштириш ҳамда сақлаш учун яроқли кўринишга келтирилиши.
Ққ