Дастурлаш II фанидан тайёрланган фан дастурига тақриз

Муҳаммад ал-Хоразмий номидаги ТАТУ Компьютер инжиниринги факультети Информатика асослари кафедраси ўқитувчилари томонидан 5330500, 5350100, 5330300, 5350600 таълим йўналишлари учун «Дастурлаш II» фанидан тайёрланган фан дастурига


ТАҚРИЗ

Фан дастури Компьютер инжиниринги факультети Информатика асослари кафедраси ўқитувчилари томонидан таълим соҳаси 330000 - Компьютер технологиялари ва информатика, 350000 – Алоқа ва ахборотлаштириш, телекоммуникация технологияларининг таълим йўналишлари 5330500, 5350100, 5330300, 5350600 сиртқи таълим йўналиши талабалари учун «Дастурлаш II» фанидан ёзилган.

Фан дастурида С++ да дастурлашни ўрганиш учун тилнинг асосий фундаментал тушунчаларига алоҳида эътибор берилган ва соатлар тақсимоти қилинган. Унда С++ дастурлаш тилида функция ва кутубхоналарни яратиш ва фойдаланиш, массивлар, белги ва сатрлар билан ишлаш, кўрсаткич, маълумотларнинг статик ва динамик тузилмаси билаш ишлаш, файллар билаш ишлаш, синф, объектга мўлжалланган дастурлаш ҳақидаги маълумотлар батафсил ёритилган. Лаборатория машғулотлари ва мустақил ишларни бажариш учун қўшимча янги адабиётлар келтирилган.
Хулоса қилиб айтганда, мазкур фан дастури асосида ўқитиладиган бўлажак кадрлар «Дастурлаш II» фани бўйича етарли билимга эга бўлади деб ҳисоблайман. Фан дастури Давлат Таълим стандартига мос равишда яратилган, янги информацион технологияларга ҳам кенг эътибор берилган.
Мазкур дастурни ТАТУ ва унинг филиалларида юқорида келтирилган барча сиртқи таълим йўналиши бўйича ёш кадрларни тайёрлаш талабларига жавоб беради ва бакалавриат йўналиши бўйича Фан дастур сифатида тавсия қилиниш мумкин деб ҳисоблайман.

Муҳаммад ал-Хоразмий номидаги ТАТУ ҳузуридаги Ахборот-коммуникация технологиялари илмий-инновацион маркази катта илмий ходими, фалсафа доктори (PhD)

Хамроев А.Ш.