Dasturiy vositalarni testlash” fanidan 4-laboratoriya ishi yuzasidan topshiriq 4-laboratoriya ishi. Testlash usullari

Testlash modeli

Testlash modeli dasturiy ta‟minot verifikatsiyasining klassik metodlaridan farq qiladi. Avvalo, testlash ob‟ekti bu bir sistema emas, balki uning bir modeli ya‟ni formal vositalar bilan loyihalangan qismidir. Agar modelning to‟g‟riligini va ishlashi tekshirilsa, testlovchi etarli darajada tizimning umumiy yaxlitligini tahlil qilinuvchi mustahkam vositaga ega bo‟ladi. Bu model bilan ishlaganda real tizim uchun testlash laboratoriyasini yaratib bo‟lmaydigan holatni ham amalga oshirish mumkin. Bu model orqali tizimning dasturiy kodi uning hususiyatlarini va algoritmning optimalligi yoki mustahkamligini ta‟minlovchi tizim parametrlarini tahlil qilishi mumkin. Ammo testlash modelida bir qancha istisnolar mavjud, bular tizim aloqasi, algoritmik va matematik qurilmalarning etarli darajada ishlashining ta‟minlanishidir.

Dastur kodini tahlil qilish

Ko‟p hollarda tizimni to‟liqligicha testlash mumkin emas. Dastur kodining alohida qismlari hech qachon bajarilmasligi mumkin. Bunday holatlarda ularga talablar qo‟yiladi. Masalan, kodning ma‟lum qismi istisnoli holatlarni ishlab chiqishga hizmat qiladi. Agar 2 ta modul(qism) bir-biriga sonli qiymatlarni yuborsa, qiymatning to‟g‟rilikni tekshiruvchi funksiya 2 ta modul uchun ham ishlaydi, ammo qabul qilish modulini tekshiruvchi funksiya hech qachon aktivlashtirilmaydi, chunki barcha xato qiymatlar yuborilayotganda qirqib tashlanadi. Bunday holatlarda dasturiy kodining to‟g‟riligini qo‟lda tahlil qilish ishi bajariladi, bu ham kodni ko‟zdan kechirish yoki tekshirish deb nomlanadi. Agar tekshiruv natijasida muammoli qismlarga duch kelinsa. Bu xabar oddiy test natijalari bilan birga to‟g‟rilash uchun ishlab chiquvchiga yuboriladi.

Testlash muhiti

Odatda ixtiyoriy murakkab tizimda testlashning asosiy hajmini avtomatlashtirilgan rejim tashkil etadi. Bundan tashqari testlanayotgan tizim oldin alohida, keyin esa kompleks tarzda testlanuvchi alohida modullarga ajratiladi. Bu shuni anglatadiki, testlash jarayonida testlash modulini bajaruvchi va kirishni ta‟minlovchi, kiruvchi ma‟lumotlarni beruvchi, haqiqiy chiquvchi ma‟lumotlarni yig‟uvchi, berilgan kiruvchi ma‟lumotlardan natijada tizim ishini oluvchi bir qancha qismlarni yaratish kerak. SHundan so‟ng haqiqiy chiquvchi ma‟lumotlarni kutilayotganlari bilan solishtirish va modullarning berilganlarga mosligini tekshirish ishi amalga oshoriladi.

Testlash muhiti tizimdagi alohida modullaridan chiqish uchun ham ishlatiladi. Qismlarga bo‟lingan tizim modullarining har xil bosqichlarida testlash dastur kodida yuzaga keluvchi muammoni aniq yechishga imkon beradi.

Testlash muhiti ham o‟z navbatida dastur hisoblanadi va uning o‟zi ham testlanishi kerak. Testlash muhitini testlashdan maqsad testlash modulining ishlashini hech qachon o‟zgartirmaslik va tizim holatini bir maromida modellashtirish hisoblanadi.