Dastur avtomatlashtirish jarayoni 33

Ijtimoiy-madaniy ta'siri. Ochiq ma'lumotlarni taqdim qilish samarasini davlat organlari faoliyatining ochiqligi, shaffofligi va hisobdorligi oshishi, ularni nazorati va monitoringi orqali fuqoralik jamiyat rivoji va fuqarolarning davlatga bo’lgan ishonchini mustahkamlashda ko’rish mumkin. Ochiq ma'lumotlar to’plamlari asosida fuqarolar hayoti va faoliyatini yaxshilashga va ularga qulayliklarni oshiradigan ijtimoiy ahamiyatga ega qo’shimcha imkoniyatlar beradigan xizmatlar, ma'lumotlar to’plamini shakllantirish mumkin. Potensial foydalanuvchilar va ekspertlar, shuningdek statistik ma'lumotlarni qayta ishlash sohasidagi mutaxassislarning so’rovlari asosida ma'lumotlar to’plamini shakllantirish mumkin. [24]
Axborot xavfsizligi va shaxsiy ma'lumotlarni himoya qilish. Ma'lumot to’plamlarini Internet tarmog’ida ochiq taqdim qilish jarayonlarini tartibga soluvchi masalalar ushbu ishda ko’rib chiqilmagan, ammo shuni ta'kidlash kerakki, ushbu tashabbusda ishtirok etuvchi davlatlar prosedura qoidalarini belgilovchi o’z qonun hujjatlariga ega. Bu borada O’zbekistonda esa "Davlat siri to’g’risida" 1993 yil 7 maydagi va “Shaxsga doir ma'lumotlar to’g’risida” 2019 yil 2 iyuldagi O’zbekiston Respublikasi Qonunlariga amal qilish lozim. Dastavval, ma'lumotlarni ochiq axborot tizimida taqdim etish imkonini berish uchun axborotni baholash kontekstida ma'lumotlarning tayanch klassifikasiyasini aniqlab olish zarur. Ularni quyidagicha klassifikasiyalashimiz mumkin:
Infratuzilmali ma'lumotlari - yer, transport tarmoqlari, davlat tuzilmalari, meteorologik o’lchovlar va boshqalar holatini tasvirlovchi to’g’risidagi ma'lumotlar. Ba'zi shtatlarda xavfsizlik muammolari sabab infratuzilmali ma'lumotlarini berishni cheklashi mumkin. Masalan,ba'zi davlatlar bilan keskin munosabatlar tufayli Shimoliy Hindiston daryolaridagi geografik chegara va suv oqimi to’g’risidagi ma'lumotlar [6].
Davlat organlarining ma'lumotlari – bu Hukumat faoliyati to’g’risidagi ma'lumotlar, ya'ni davlat xizmatlarini taqdim etish joylari va ularning byudjetlaridan to davlat registrlarigacha, shuningdek, ta'lim muassasalari, sog’liqni saqlash va ijtimoiy-madaniy muassasalar maqsad vazifalari, faoliyati to’g’risidagi batafsil statistika tushuniladi.