Дастур 5А340202 Нефть ва газ қувурлари, база ва омборларини қуриш ва

“Нефт ва газни қайта ишлаш саноати объектларини лойиҳалаштириш ва қуриш” фани бўйича

Талабаларда нефтни қайта ишлаш объектларини лойиҳалаштириш; лойиҳалаштиришни техник-иқтисодий асослаш; заводнинг бош режаси; завод зоналари таркиби; газни қайта ишлаш объектларини лойиҳалаштириш; лойиҳани олиб бориш тартиби ҳақида тасаввурга эга бўлиши; омборларни ишлатиш технологиясини; резервуарлар таъмирининг асосий технологик
жараѐнларини; тайѐрлов ва монтаж ишларини; лойиҳалаштириш ва якунлаш ишларини; ички қувурлар тизимини ишлатишни; резервуарларнинг механик ҳисобини; қум уюмининг баландлигини аниқлашни; резервуар турларини танлаш усулларини; нефт омборининг бош режаси ва оқова сувларни тозалаш қурилмасини ўрганади.
Назарий ва амалий билимлар асосида маҳсулотларни тўкиш-қуйиш ускуналарини танлаш; омборларнинг классификациялаш ва категориялаш кўникмаларига эга бўлади.

“Газ таъминот тизимини лойиҳалаштириш ва ишлатиш” фани

бўйича
Аҳолини газ билан таъминлаш тизимини ривожланиш истиқболлари; газнинг физик термодинамик хусусиятлари; газ таъминот тизимини лойиҳалаштириш ва қуриш асослари; лойиҳалаш вазифаси ва тузилмаси; тарқатувчи газ қувурларининг классификация кўрсаткичлари; қувурларни жойлашиши ва таркибий қисмлари ҳақида тасаввурга эга бўлади.
Шунингдек, трассалаштириш ва газ истеъмолчилари; истеъмолчилар турлари ва истеъмол қилиш тартиби; газ тизимининг мустаҳкамлигини; газ сарфи ва сарф ҳисобини аниқлаш, ҳисобий сарфларни турлари; юқори ва паст босимли газ қувурлари гидравлик ҳисоби; газ тақсимловчи станциялар; газ тарқатувчи бекатлар таснифи ва уларнинг вазифаларини ўрганади.
Фан доирасида газ тақсимлаш станциялари ва технологик схемаларини лойиҳалаш; газ тақсимлаш станцияларини ҳарорат тартиби ва газ миқдорини ҳисоблаш; газни тозалаш ва одорантлаш жараѐнини таҳлил қилиш; газ тарқатиш тизимларини техник-иқтисодий кўрсаткичларини аниқлаш; газ таъминот тизимининг ишлатилиши ва ишга тушириш; қувурларда содир бўлган фалокат ва асоратларнинг олдини олиш кўникмаларига эга бўлади.