Dastlabki yillar Maktab yillari Kurash 4 Patent ofisi

2

Maktab yillari

Albert olti yoshidan boshlab maktabga qatnay boshlaydi.Taomilga ko’ra,Yahudiy bolalari maxsus Yahudiy maktablarida o’qishi kerak edi.Uning ota-onasi esa bu ana’nani cheklagan holda uni uylari yaqinidagi katolik maktabiga berishadi.Endi u Xristianlik diniga oid darslarni o’zlashtirishga to’g’ri kelardi,shuni ham aytish kerakki,bu mashg’ulotlar qaysidir ma’noda qiziqarli ham edi,sababi Yahudiylik va Xristianlik o’rtasida juda ko’p o’xshashliklar bor edi.albert bolaligidan juda mulohazali va og’ir tabiatli bo’lib hech qachon bironta savolga shoshqoloqlik bilan javob bermasdi.Boshqa bolalar savollarga noto’g’ri javob berganligi tufayli qattiq jazolalanishini guvohi bo’lgan Albert, yanada ehtiyotkor bo’la boshlaydi va o’qituvchi tamonidan berilgan savolga har doim to’g’ri javob berishga harakat qilardi.U doim chuqur o’ylab,gapimoqchi bo’lgan narsasini miyasida pishitib,nimalardir deb pichirlar,shundan so’ngina ovozini chiqarib javob berardi.Uning bu odati ba’zi o’qituvchilari tamonidan uni aqliy zaif deb baholanishiga sabab bo’lgan.

U maktabning dastlabki yillarida a’lo baholarga o’qiydi,ammo vaqt o’tishi bilan o’qituvchilarning dars berish uslubidan norozi bo’la boshlaydi.Albert maktabni armiyaga qiyoslardi va o’zi uchun zerikarli tuyulgan har qanday darsdan voz kechardi.Shu sababli,ba’zi fanlardan yomon baholar ola boshlaydi.Shunga qaramay o’zi qiziqqan fanlardan yuqori baholarga o’qiydi.

Vaqt o’tishi bilan asta-sekin,boshlang’ich maktabda o’z iqtidorini namoyon qila boshlaydi.O’n yoshga to’lganida,matematika va lotin tilidan noyob qobiliyat sohibi bo’lganligini ko’rish mumkin.O’ziga yoqmagan fanlarni e’tibordan chetda qoldirishda davom etadi,natijada ba’zi ustozlari uni qip-qizil jinniga chiqarib qo’yadilar.

Bundan tashqari u tengdoshlari bilan chiqisholmasdi.Uni hech kim Yahudiy deb o’ylamagan va aynan dini tufayli boshqalardan ajralib ham qolmagan.Shunga qaramay doim o’zini yolg’iz his qilardi.U sinfdoshlariga qo’shilib o’ynamas,sport o’yinlariga qatnashmasdi va bularning hammasi uni boshqalardan ajralib qolishiga sabab bo’lgan edi.

Bir so’z bilan aytganda,u o’zining dastlabki maktab yillarida asliyatda bir to’da bolalar qurshovida bo’lsada,aslida u ruhan yolg’iz edi.Sababi u boshqa bolalarga umuman o’xshamasdi.