Dastlab talab ishlashi mumkinmi yoki mumkin emasmi? degan savolga javob beramiz

Dastlab talab ishlashi mumkinmi yoki mumkin emasmi? degan savolga javob beramiz.
Vazirlar Mahkamasining 2015-yil 2-martdagi 36-sonli qarori bilan tasdiqlangan “Magistratura to‘g‘risida”gi nizomda keltirishicha, Magistr o‘z mutaxassisligi, ilmiy va ilmiy-pedagogik tayyorgarligiga muvofiq kasbiy faoliyatiga doir ilmiy-pedagogik faoliyat bilan shug'ullanishiga ruxsat berilgan.
Shuningdek, "Oliy ta'lim to'g'risidagi" nizomning 50-bandida kunduzgi ta'lim shakli talabalari oliy ta'lim muassasasining o'zida yoki boshqa tashkilotda ishlashi mumkinligi qayd etilgan. 
Demak, talaba darsdan tashqari mehnat faoliyati bilan shug'ullanishi mumkin.
Xo'sh, talaba ishlashi mumkin ekan? unda u asosiy xodim bo'lib ishlaydimi yoki o'rindosh?
Vazirlar Mahkamasining 2012-yil 18-oktabrdagi 297-son qaroriga ILOVA O‘rindoshlik asosida hamda bir necha kasbda va lavozimda ishlash tartibi to‘g‘risida NIZOMida o‘rindoshlikka shunday huquqiy ta'rif berilgan:
O'rindoshlik asosida ishlash — xodimning o‘zining asosiy ishini bajarishidan tashqari asosiy ishidan bo‘sh vaqtida mehnat shartnomasi asosida boshqa haq to‘lanadigan ishni bajarishi.
Nizomga ko'ra, asosiy ish joyidan tashqari ishlash o'rindoshlik asosida ishlash tushuniladi. Magistratura bosqichida ta'lim olishingiz mehnat faoliyati hisoblanmaydi!!!!!!!.
Mehnat haqi to'lanadimi?
Mehnat Kodeksning 153-moddasiga ko'ra, Mehnat haqining miqdori ish beruvchi bilan xodim o‘rtasidagi kelishuvga binoan belgilanadi. Mazkur Kodeksning 154-moddasida Ish beruvchi o‘zining moliyaviy holatidan qat’i nazar, xodimga bajargan ishi uchun haqni belgilangan mehnat haqi shartlariga muvofiq ushbu Kodeksning 161-moddasida ko‘rsatilgan muddatlarda to‘lashi shart.
Demak, bajarilgan ish uchun mehnat haqi to'lanishi kerak. Kodeksning 161-moddasida ko'rsatilganidek, Mehnatga haq to‘lash muddatlari jamoa shartnomasi yoki boshqa lokal normativ hujjatda belgilanadi va har yarim oyda bir martadan kam bo‘lishi mumkin emas.
Hurmatli, fuqaro mehnat huquqlaringiz buzilishi yuzasidan, Bandlik va mehnat munosabatlar vazirligining hududiy boshqarmalariga yoki ushbu vazirlikning quydagi ishonch telefoniga murojaat qilishingizni maslahat beramiz.