Darsning texnologik xaritasi mavzu

MASHQLAR BAJARISH

Har bir mashq so'ngida oldingi darslarda bo'lganidek, ma'rifiy-didaktik suhbatlar o'tkaziladi. Ayniqsa, 148-mashqdagi matn asosida «Saxovatli odamni nimaga o'xshatish mumkin» bahsi uyushtirilib, unda saxovatli odam quyoshga, yomg'irga, yerga, mevali daraxtga o'xshatilgan holda qiziqarli munozara tashkil qilsa bo'ladi.

145-mashq. Savollarga javob bering. So'ng tuzgan gaplaringizni daftaringizga ko'chirib yozing. To'ldiruvchilarning ifodalanishiga diqqat qiling.

1. Kimga jonimiz fido?

2. Kim bilan do'st tutinish lozim?

3. Inson nima bilan faxrlanishi mumkin?

4. Bola o'z ota-onasini nima bilan xursand qilishi mumkin?

5. Nimadan ehtiyot bo'lish kerak?

146-mashq. «Davom ettiring» o'yinini tashkil qiling. Tuzgan gaplaringizda to'ldiruvchilardan foydalaning, ularni izohlang.

Namuna: 1-o'quvchi: Suv bilan yer ko'karadi,

2-o'quvchi: duo bilan-el.

3-o'quvchi: Bu gapda 2 ta to'ldiruvchi bor: suv bilan, duo bilan (nima bilan?), ular ko'makchi bilan hokim so'zga bog'lanyapti.

147-mashq. «O'quvchi xandasi»ni o'qing. To'ldiruvchilarni izohlang.

Geografiya darsida muallim Umidjondan so'rab qoldi: -Qani, Umidjon, ayt-chi? Bizga Oy yaqinmi, Amerikami? -Oy! - deb javob berdi u. -Nega Oy deb o'ylaysan?

-Chunki Oyni ko'rsa bo'ladi, Amerikani esa yo'q.

148-mashq. O'qing. Nuqtalar o'rniga kerakli vositalarni qo'yib, mazkur so'zlarga savol bering. To'ldiruvchilarning gapdagi o'rnini izohlang.

SAXOVATLI ODAM

Bir muruvvatli, saxiy odamning juda ko'p doni bor edi. U turgan shaharda oziq-ovqat tanqisligi boshlandi. Saxiy odam bor g'allasi... beva-bechoralar... ulashib tugatdi. Tanqislik kuchaygach o'zi ham don... muhtoj bo'lib qoldi. Odamlar u... malomat qilishdi.

-Bilib turib nega donlaring... hamma... ulashib yubording?

Saxiy kishi dedi:

-Xalq och bo'la turib, men rohat... yashasam, insofsizlik qilgan bo'laman. Ochlik azobi... xalq... barobar tortish... , xalq qayg'usi... sherik bo'lishni vijdonim buyurdi. Men vijdonim amri... itoat etdim.