Darsning texnologik xaritasi mavzu

DARSNING MAQSADI:

Ta’limiy maqsad – shakldosh so‘zlar haqidagi bilimlarni takrorlash;

Tarbiyaviy maqsad – o‘quvchilarni milliy, umuminsoniy qadriyatlar ruhida tarbioyalash;

Rivojlantiruvchi maqsad – qiyoslash, mantiqiy fikrlash malakalarini rivojlantirish.

Darsning turi: takrorlovchi

Darsning usuli: suhbat, savol-javob, musobaqa.

Darsning jihozi: Darslik , kompyuter, qo‘llanma.
DARSNING BORISHI:

I.Darsni tashkil qilish:

a) salomlashish;

b) davomatni aniqlash;

d) xona tozaligining nazorati.

II.O‘TILGAN MAVZUNI QAYTARISH:

1. Ma’nodosh so‘zlar deb nimaga aytiladi?

2. Vatan so‘zining ma’nodoshi;

3. Ma’nodosh so‘zlar qanday ma’nolarni anglatadi?

4. Misollar bilan tushuntiring.

III.YANGI MAVZU BAYONI:

Yozuv taxtasiga quyidagi so‘zlar yozib, shu so‘zlarni qatnashtirib gaplar yozish aytiladi.

olma, o‘t, ot, tut, soch, yosh, yoz…
35-mashq. Gaplarni o'qing, shakldosh so'zlarni topib ularga izoh bering.

1. Bir yil tut ekkan kishi yuz yil gavhar teradi. Yaxshilarning etagini tut, adashmaysan.

2. Yoz - o'tmoqda soz. Dutor - eng yaxshi soz.

3. Arg'amchiga qil quvvat. Nomusni yoshlikdan ehtiyot qil.

4. «Kadrlar tayyorlash Milliy dasturi»ni hayotga tatbiq etmoq. Filmdagi eng yaxshi chiqqan kadrlarni ko'rsatmoq.

36-mashq. Yoq, karam, kuy, qo'y, ot, kul, mushak, oy, bog', taxt, et, chang so'zlari ishtirokida gaplar tuzib, ularning matndagi ma'nolarini Izohlang.

1.Men o‘choqqa o‘t yoqdim. Onam tayyorlagan ovqatlar menga yoqadi.

37-mashq. Gaplarni daftaringizga ko'chirib yozing, shakldosh so'zlarga izoh bering.

Topgan gul keltirar, topmagan bir bog' piyoz.

Mustaqillik sharofati bilan yurtimizda ko'plab bog'lar barpo qilindi.

Ozodlik - biz uchun eng katta davlat.

Eli boy davlat kuchli va qudratli bo'lur.

Ertalab atrofni qalin tuman qopladi.

Bizning tumanimizda bir qancha sport inshootlari qurildi.