Darsning maqsadi: Ta`limiy

Rivojlantiruvchi: mustaqillik, osoyishtalik, tinchlik, barqarorlik, vatanparvarlik, xavfsizlik, hamjihatlik, bag’rikenglik, do`stlik tuyg’ularini rivojlantirish.

Pedagogik texnologiyalar: guruhlarda ishlash, suhbat, bahs-munozara.

Dars jihozlari:

texnik jihoz: komp’yuter va videoproektor.

didaktik jihoz: Islom Karimovning «O`zbekiston mustaqillikka erishish ostonasida», «Yuksak ma`naviyat – yengilmas kuch» asarlari, mavzuga oid plakat, o`quv qo`llanma va boshqalar.

Darsning borishi:
1.Tashkiliy qism .O`quvchilarni faollashtirish .Davomatni aniqlash.

2.O`tilgan mavzuni so`rash

Mustaqillik nima?

O`zbekiston Respublikasi nechanchi yilda mustaqillikka erishdi?

3. Yangi mavzu bayoni:

O`quvchilarni faollashtirish uchun savol: Vatan nima?

1. 
   Vatan ota –onamiz
   
2. 
   Vatan katta bo’lgan beshigimiz
   
3. 
   Vatan yashab turgan xonadonimiz
   
4. 
   Vatan ta’lim olayotgan maktabimiz
   
5. 
   Vatan qishlog’imiz – so’lim go’shamiz
   
6. 
   Vatan mustaqil O’zbekistonimiz
   

Mustaqilligimizni ulug’lovchi qo’shiq taraladi.

Dunyoda shunday ne`matlar borki, ularning qadr-qimmati, ahamiyati asrlar va hatto abadiyat bilan o`lchanadi.Yillar, zamonlar o`tsa ham ular inson, davlat, xalq va jamiyat uchun eng zarur ehtiyoj, oliy ne`mat bo`lib qolaveradi.Mustaqillik ana shunday buyuk qadriyatdir.Ajdodlarimiz aynan mustaqillikni qo`lga kiritib, o`z yurti, xalqining ozodligi uchun kurash olib borgan.

Mustaqillik o`z-o`zidan qo`lga kiritilmadi. U tinimsiz kurashlar, qiyinchilik va yo`qotishlar, jasorat va fidoyilik mahsulidir. 1991 yil 31 avgust sanasida qo`lga kiritilgan davlatimiz mustaqilligi XX asrda xalqimiz tomonidan amalga oshirilgan buyuk jasorat namunasi ekanini unutmaslik kerak. Prezidentimiz bu borada buyuk jasorat ko`rsatib, «sovetlar mafkurasi» keng quloch otgan muhitda xalqimizning mustaqillikka erishishiga bosh bo`ldi. Barchamiz mustaqilligimizning qadriga etishimiz, uni asrab-avaylashimiz lozim. Yurtimizda hukm surayotgan tinch va osoyishta hayot, millatlararo do`stlik va hamjihatlikni saqlash, chegaralarimiz daxlsizligini asrash, uzoq va yaqin atrofimizdagi davlatlar bilan do`stona munosabat va o`zaro manfaatli hamkorlikni yanada mustahkamlash, turli mintaqa va hududlarda xavf-xatar va tahdidlar tobora kuchayib borayotgan tahlikali zamonda doimo ogoh, sergak va hushyor bo`lib yashash, safarbarligimizni yanada oshirish – bugun hayotning o`zi barchamizdan talab qilayotgan eng muhim va dolzarb vazifadir.