Дарснинг хронологик картаси

Оқибатлари:

Гипоксия

Чала оксидланган оралиқ моддаларнинг ҳосил бўлиши

Тўқима фаолиятининг бузилиши

Стаз

Стаз — бу қон айланишининг маҳаллий бузилиши бўлиб, қилтомир (капилляр)ларда, майда артерияларда, веналарда қон оқимининг тўхташи билан таърифланади.

Стазнинг келиб чиқиш сабаблари:

1. Ишемия.

2. Вена гиперемияси.

3. Қон ҳужайралари агрегациясини ва агглютинациясини чақирувчи омиллар.

Стазнинг турлари

Стаз 3 гуруҳга ажратади

1. «Чин» стаз. Қон олиб кетадиган томирларда қон оқими қийинлашиши ва тўхташи оқибатида келиб чиқади. Бирламчи стазнинг шаклланиши қон ҳужайраларининг фаоллашуви ва агрегацияси, томир деворига адгезиясидан бошланади.

2. Ишемик стаз. Қон оқиб келиши камайиши, секинлашиши ва тўхташи оқибатида келиб чиқади.

3. Веноз димланиш стази. Бундай стаз бирон-бир сабаб таъсирида вена қони оқиб кетиши қийинлашишидан келиб чиқади.

Веноз стазни қуйидаги сабаблар келтириб чиқариши мумкин: қоннинг қуюқлашиши, унинг физик-кимёвий хусусиятлари ўзгариши, қон ҳужайраларининг шикастланиши (масалан, гипоксияда)

оқибатида фаоллашуви ва проагрегантлар ишлаб чиқарилиши натижасида агрегация ва адгезия ривожланиши. Стазнинг биринчи турини бирламчи, қолган икки турини иккиламчи стаз дейилади.

Стаз асоратлари.

Стазнинг асоратлари ҳар хил. Агар қонда ва томир деворида чуқур ўзгаришлар бўлмаган бўлса ва стазни келтириб чиқарган сабаблар йўқотилса шикастланган жойда қон айланиши тикланади. Агар томирларнинг шикастланиши ва эритроцитлар агрегацияси кучли бўлса, жараён орқага қайтмайди ва тўқима ҳалок бўлади.

Мавзуни ўтишда “Қора қутича” интерактив методдан фойдаланамиз:

Мавзуни ўтишда “Қора қутича” интерактив методдан фойдаланамиз:

Ушбу усул машғулот давомида ҳамкорликда ишлаш ва ҳар бир талабанинг фаол қатнашишини кўзда тутади. Ўқитувчи бутун гуруҳ билан ишлайди. Қутичага турли саволлар солиниб, ҳар бир талаба ундан ўзи мустақил танлаб олади. Унга жавоб тайёрлаш учун 3 дақиқа вақт берилади. Сўнгра, ҳар бир талабанинг жавоблари эшитилиб, муҳокама қилинади. Талабаларнинг фаоллиги аниқланиб, баҳоланади.