Darsning borishi

Uyga vazifa e`lon qilinadi: 350-351-misol va masalalar.
Uyga vazifa o`qituvchi tomonidan tushuntiriladi. Dars yakunlanadi.
Annotatsiya
Dars ishlanmasi “Dars muqaddas” tavsiyasi asosida yozilgan. Unda innovatsion usullardan to`la foydalanilgan. Darsda o`quvchi imkoniyatlari,hayotiy tajribalari,ko`nikmalari hisobga olingan holda dars usullaridan foydalanilgan.
Kichik guruhlarda ishlashda o`quvchilar o`zaro hurmatni , bir-birini tinglashni , o`z fikrini asoslay olishni o`rganadilar. O`qituvchi va o`quvchi o`rtasida to`liq munosabat o`rnatilgan, ishchan kayfiyat yaratilgan.
Darsda jadvallar orqali o`quvchilarda sanoq birliklari va uzunlik o`lchov birliklari orasidagi bog`lanishlarni anglab yetishlari,taqqoslashlari uchun imkoniyatlar yaratilgan.
Darslikdan unumli foydalangan holda, shakllarning perimetri, yuzasi ustida ham ishlangan. Katta uzunlik o`lchov birliklarini kichiklariga almashtirish orqali ular orasidagi bog`lanishni o`quvchilar tasavvur etadilar.
Darsda o`quvchining ijodiy faoliyati hajmi, xotirasi va tafakkuriga tushadigan vaznning mutanosibligi darslikdagi bilimlarning o`zlashtirish darajasi ta`minlangan.Muammoli va estetik o`qitish amalga oshirilgan.
Darsda internet ma`lumotlari, innovatsion usullardan unumli foydalanilgan. Dars mazmuni va strukturasi rivojlantiruvchi o`qitish tamoyillariga muvofiq tanlangan.
O`quv – tarbiya ishlari bo`yicha direktor o`rinbosari: I.Qutliyeva
Tanlangan mavzu uchun qiyinchilik darajasi nuqtai nazaridan tasniflab beruvchi asosnoma.
3-sinf dasturida kilometr birligi-yangi birlik hisoblanadi.Kattaliklar ustida ishlashda 3-sinf o`quvchisining bilimlari rasmiy bo`lmasligini hisobga olgan holda , mavzu murakkab mavzular sirasiga kiradi. Shuning uchun ushbu mavzuni o`tishda o`quvchilarning mustaqil ishlaridan maksimal foydalanish, ularning hayotiy tajribalariga, kuzatishlariga, amaliyotda olgan bilimlariga tayangan holda dars o`tilgan. Kilometr bilan tanishishda shu masofani piyoda bosib o`tish, ko`z bilan chamalash bo`yicha mashqlar bajarilgan. Avvalo, muhim ahamiyatga ega bo`lgan ba`zi buyumlarning uzunligi ya`ni ,o`z qadamining uzunligi, stol va stulning,doskaning uzunligi kabilarni eslab qolish lozim.
Mavzu murakkabligi bois o`quvchilarda yil mobaynida uzunlik birliklari haqida aniq tasavvurlar shakllantirilib boriladi.Turli uzunlik birliklarini taqqoslashga, ular orasidagi munoosabatni o`zlashtirishga katta e`tibor qaratiladi.
Shuningdek, hisoblash ko`nikma va malakalarini tarkib toptirish bilan bir vaqtda arifmetik amallar haqidagi tasavvurlarini ,ularning xossalari, bu amallar orasidagi o`zaro bog`lanishlar , amal komponentlaribilan natijalari orasidagi bog`lanishni chuqurroq tasavvur qilishga doir ishlar olib boriladi.