Дарс мавзуси: Сайёҳлик хизмати туристик маҳсулотнинг қисми

 

3.  “Gid portfeli”ning ahamiyati 

 

Professional  muhitda  “gid  portfeli”  deb,  namoyish  etish,  ko‘rish 

qatorlariga  yetishmayotgan  bo‘g‘inlarni  to‘ldirish  va  tiklash  uchun 

mo‘ljallangan  ko‘rgazmali  qurollar  jamlanmasiga  aytiladi.  Bu  ayniqsa, 

ko‘rsatmoqchi  bo‘lgan  obektlar  bizgacha  o‘zgargan  hollarda  yetib  kelgan 

yoki umuman saqlanmagan hollarda muhimdir. Shunda rasmlar, chizmalar 

obektning birinchi holatini tiklashga yordam beradi. 

“Gid  portfeli”da  yana  ekskursiya  mavzusiga  taaluqli  shaxslar  rasmi, 

kartinalar  reproduksiyasi,  geologik  haritalar,  harbiy  voqealar  tasvirlangan 

harita-sxemalar,  ishlab  chiqaruvchi  korxonalar  mahsuloti  namunasi, 

gerbariylar,  geologik  namunalar,  magnitofon  tasmalari,  yani  ekskursiya 

sharhini yanada boyitidigan boshqa illyustrativ materiallar kiradi. 

Ko‘rgazmali qurollarni tanlashdagi mezonlar quyidagilar: 

-  ularni ishlatishning zaruriyligi va maqsadliligi; 

-  ommaboplik  qiymati,  yani  hikoyani  ushbu  ko‘rgazmali  qurol 

qanchalik boyitishi, tushunarli qilishi mumkin; 

- 

g‘aroyibligi; 

-  ifodaliligi; 

-  saqlanganlik holati. 

Rasmlar,  harita-sxemalar,  reproduksiyalar  18x24sm  o‘lchamli  karton 

asosli,  tiniq  va  aniq  tasvirga  ega  bo‘lishi  shart.Avtobusda  ko‘rsatishga 

mo‘ljallangan ko‘rgazmali qurollar 24x30sm  o‘lchamli bo‘lishi zarur(orqa 

qatorga o‘tirganlar ko‘rishlari uchun). 

Ko‘rgazmali  qurollar  ro‘yxati,  tarkibi  ekskursiyaning  butun  hayotiy 

davrida o‘zgartirilib, takomillashtirib borilishi mumkin.