Dars ishlanmasi mavzu: Natural ko`rsatkichli daraja va uning xossalari. Darsning maqsadlari: Ta’limiy maqsad: Natural sonlar haqidagi ma’lumotlarga EGA bo`lish, «Natural ko`rsatkichli daraja va uning xossalari»

ALGEBRA fanidan 7-sinflar uchun
bir soatlik ochiq
DARS ISHLANMASI
Mavzu: Natural ko`rsatkichli daraja va uning xossalari.
Darsning maqsadlari:
Ta’limiy maqsad: Natural sonlar haqidagi ma’lumotlarga ega bo`lish, «Natural ko`rsatkichli daraja va uning xossalari» haqidagi mavzuni o`quvchilarga yoritib berish, bilim, ko`nikma, malakalarni hosil qilish, unga oid formulalarni yodlatish;
Tarbiyaviy maqsad: o’quvchilarga vatanparvarlikni singdirish, мavzuni estetik, aqliy tarbiyaga bog`lab olib borish;
Rivojlantiruvchi: Mavzuni yanada mukammal yoritib berish uchun noan’vanaviy usullardan, interfaol usullardan innovatsion usullarldan foydalanish;
DTS talablari: Natural sonlar haqidagi ma’lumotga ega bo`lish, butun, ratsional sonlar haqida bilish, mavzuga oid formulalarni yod bilish;
Darsning jihozi: Tarqatma materiallar, test kartochkalari, rasmli ko`rgazmalar, magnit tasma, proyektor, musiqali mo`jizalar maydoni, rangli qog’ozli kartochlarga yozma misollar.
Dars usuli: Umumlashtiruvchi, mustahkamlovchi.
Dars turi: Noan’anaviy dars usullardan foydalanish, interfaol usullardan: «Axborot» usuli, figuralar o`yini.
Fanlararo bog`lanish: Geometriya, milliy g’oya, tarix, huquq, geografiya.
Darsning borishi:
A) Tashkiliy qism:
O`quvchilar bilan salomlashish.
Navbatchi o`quvchini aniqlash.
Davomadni aniqlash.
Ma’naviyat daqiqasida milliy g`oyani targ`ib etish bo`yicha savol-javob o’tkazish.
Navbatchi «Axborot» usulida quyidagicha tashkillashtiradi:
Ismi va sharifini aytadi.
Sinfni Algebra darsiga tayyorgarligini aytadi va bugungi darsga qatnasha olmagan o`quvchilar haqida ma’lumot beradi, sababli yoki sababsiz holatlarini tushuntiradi.
Bugungi sana: oy, kun, yil haqida gapirish, har bir son haqida qaysi sonlar to`plamiga ta’luqliligi, ishorasi bo`yicha qandayligi, juft sonmi, toq sonmi bu haqida gapirib beradi, tub va murakkabligi haqida, bo`luvchilari qaysi sonlar ekanligini, shu sonlar qatnashgan xikmatli so`zlar, maqollar, tarixiy kunlar, sonlarga oid eng muhim voqealar haqida gapiradi.
O`quvchilar o`tilgan mavzuga tayyorligi haqida gapirib beradi;
Sinf o’quvchilari bilan ma’naviyat daqiqasi o’tkaziladi. Bunda o’quvchilar darsga tayyorlagan xohlagan she’rlar, ashulalar, matematik o`yinlar, matematika haqidagi biror she’rni aytib, taxlil qilib berishlari mumkin.