Дарс. Бухгалтерия хисоби ва унинг элементлари бухгалтерия хисоби тугрисида тушунча «Бухгалтер»

Даромадлар - хисобот даврида активларни ошишига ёки мажбуриятларни камайишига олиб келувчи иктисодий нафларнинг ошишидир.
Даромадларга махсулот (ишлар ва хизматлар)ни, товарларни ёки бошка активларни сотишдан тушум, олинадиган фонз ва дивидендлар, ижара тулови, валюта хисобвараклари буйича мусбат курс фарклари, кайтарилмайдиган молиявий ёрдам ва бошкалар киради.
Бухгалтерия хисобида даромадлар пул маблаглари ўтказилган пайтда эмас, балки хакикатдан хам уларга эришилган даврда тан олиниши (акс эттирилиши) лозим. Шу ўринда, агар корхонага харидорлардан олдиндан тўлов келиб тушса, шу пайт мажбуриятлар пайдо бўлади, товар ортилган, яъни даромад тан олинган пайтда эса, ушбу мажбуриятлар камаяди. Агар корхона пул олмасдан туриб товарни юклаб жўнатса, товарни юклаб жўнатиш пайтида харидорларни корхона олдида дебиторлик карзи вужудга келади, яъни активлар ошади.
Харажатлар - хисобот даврида активларни камайишига ёки мажбуриятларни ошишига олиб келувчи хисобот даври мобайнидаги иктисодий нафнинг камайишидир. Харажатларга махсулот (ишлар, хизматлар)ни ишлаб чикариш бўйича харажатлар, маҳсулотларни сотиш билан боғлик харажатлар, маъмурий ва умумхужалик харажатлари, фоиз ва дивидендларни тулаш буйича харажатлар, ижара хдкларини тулаш билан боглик харажатлар, манфий курс фарклари ва бошка харажатлар киради.
Бухгалтерия хисобида даромадлар каби, харажатлар хам пул маблаглари кўчирилган даврда эмас, улар хакикатда юзага келган даврда акс эттирилиши лозим. Шу ўринда, махсулот ёки товарларни сотиш пайтида улар таннархининг хакикий камайиши акс эттирилади, бу эса активларнинг камайишига олиб келади, шунингдек ёритиш, иситиш, ижара хаки, туланадиган фоизлар каби харажатлар хар бир хисобот даврининг охирида акс эттирилиши лозим, бу эса мажбуриятлар пайдо булишига олиб келади, чунки улар учун туловлар келгуси хисобот даврида амалга оширилади.
Маълум бир давр учун корхона фаолияти буйича молиявий натижаларни аниклашда даромад ва харажатлар ўртасидаги фарк, яъни фойда ёки зарар аникланади.