Dangasa qirollar

GADOYLIK ORDENLARI – katolik monaxlari ordenlari. Papalikning faol yordamida kambaga’lchilikni targ’ib qilish va a’zolarning taqvodorlik bilan hayot kechirishini namuna sifatida ko’rsatish orqali tez tarqalib borayotgan yeretiklikni bartaraf etish mumkin degan maqsad bilan XIII asrning birinchi yarmida tashkil etilgandi.

GANZA (qad. nem. Hanse – ittifoq) – Lyubek shahri boshchiiligida shimoliy nemis shaharlarining savdo va siyosiy ittifoqi (XIV-XVI asrlar; rasman 1669-yilgacha). Ganzaning gullab – yashnagan davri (XIV asrning 2-yarmi – XV asrning boshlari) da bu ittifoqqa 100 tacha shahar kirgan.

GARAYLAR-Garay sulolasi; 1427-yilda Hoji Garay o’zini Qrim xoni deb e’lon qilgandan so’ng boshlangan xonlar sulolasi.

GAVEL (frans.gavelle) – Fransiyada 1246-yili joriy etilgan tuz solig’i. Dastlab vaqti-vaqti bilan undirib turilgan. Gavel bora – bora doimiy soliqqa aylangan.

GEROLD (nem. Herold, kechki lot. heraldus) – o’rta asrlarda G’arbiy Yevropadagi xabarchi, qirol va yirik mulkdorlar xonadonida marosimlarni boshqaruvchi, tantana, ritsarlar kurashi va boshqa mutasaddisi.

GERSOG (nem. Herzog) – qadimgi germanlarda qabilaning harbiy yo’lboshchisi; o’rta asrlarda G’arbiy Yevropada yirik feodal, mulk egasi, o’rta asrlar oxirlaridan dvoryanlik unvonlaridan biri. Yirik Franklar davlati shakllanishi bilan gertsoglar qirolning mansabdor shaxslariga aylantirilgan, ularga alohida viloyatlar rahbarlari – graflar bo’ysungan.

GILDIYA (nem)-qadimgi Germaniyada o’z a’zolarining hayoti, mulki va shon-sharafini himoya qilish uchun tuzilgan ittifoq (mudofaa gildiyasi). O’rta asrlarda G’arbiy Yevropada boy savdogarlar yoki hunarmandlarning o’z a’zolari manfaatlari yoki sex imtiyozlarini himoya qiluvchi shirkati yoki ittifoqi. Chor Rossiyasida savdogarlarning boyligi va mablag’iga qarab belgilangan daraja. Masalan 1,2,3-gildiya savdogarlari.

GILDIYA MAKTABLARI – G’arbiy Yevropa shaharlarida XIII-XIV asrlarda savdo gildiyalari tomonidan tashkil etilgan boshlang’ich va yuqori maktablar. Gildiya maktablari pulli bo’lib faqat o’ziga to’q oilalar farzandlarigina ularda taxsil olish imkoniga ega edi.