Д. Т. Абдукаримов

 
 
2.4. КЎП ЙИЛЛИК ЎТЛАР УРУҒЧИЛИГИ 
 
 
Кўп йиллик ўтлар сифатида асосан дуккакли донлар ва ғалладошлар 
(қўнғирбошлар) оилаларига мансуб туркумларининг турлар ўсимликлари 
фойдаланилади.
Ўзбекистонда кўп йиллик ўтлардан беда, қисман себарга, эспарцет, 
райграс, қашқар беда экилади. Ҳозирги кунда давлат реестирига киритилган 

---

256 
(2011 йил) беданинг 9 нави (Аридная, Бойгул, Каракалпакская 15, Ташкентская 
1, Ташкентская 1728, Ташкентская 2009, Ташкентская 3192, Хивинская 
местная, Хорезмская 2), Себарганинг икки нави (ЎзРОС-73, Ўзбекистонский 3) 
эспарцетнинг (Милютинский 2), оқ донининг 1 (Кибрай) навлари экилмоқда. 
Уруғчиликнинг вазифаси Республикамиз хўжаликлари далаларини шу 
экинларнинг юқори сифатли уруғликлари билан таъминлаш. Бунинг учун 
селекция ва уруғчилик тизими асосида тегишли тадбирларни юқори даражада 
сифатли ва вақтида ўтказиш лозим. 
Кўп йиллик ўтларнинг уруғчилигини ташкил қилиш аксарият холларда 
донли экинлар уруғчилигига ўхшаш. Илмий – тадқиқот муассасаларининг ўқув-
тажриба хўжаликлари кўп йиллик ўтларнинг элита ѐки 1 репродукция 
уруғликларни ишлаб чиқариб, одатда, 5-6 йилда бир марта янгилаш ўтказиш 
ҳисобидан уруғчилик хўжаликлари, фермер хўжаликларининг кўпайтириш 
майдонларида экиш учун етказилади (сотилади). 
Кўпайтириш майдонларида етиштирилган уруғлик ҳосили тегишли уруғлик 
тармоқларининг уруғлик шахобчаларида экиш учун фойдаланилади. Бу 
уруғлик шахобчаларидан олинган уруғ хўжаликларнинг ишлаб чиқариш 
майдонларида экиш учун фойдаланилади.
Кўп йиллик ўтларнинг уруғчилигини илғор тажриба асосида ташкил 
қилишда уруғчилик тизимига ихтисослашган уруғчилик хўжаликларини 
киритиш мақсадга мувофиқ деб ҳисобланади. Масалан, Новосибирск вилоятида 
қуйидаги тартибда кўп йиллик ўтларнинг уруғчилиги ташкил қилинган (20-
жадвал).