Д. Т. Абдукаримов

Уруғлик 
назорати. 
Уруғлик 
назоратининг 
вазифаси 
етиштирилган уруғликни сақлаш ва омборлардан чиқариш вақтларида 
уруғликнинг экишга яроқлик сифатларини текшириб туришдир. Уруғнинг 
экишга яроқлик сифатлари -уруғликнинг тозалиги, 1000 донасининг вазни, 
нишлаш қуввати, унувчанлиги, ҳаѐтчанлиги, намлиги, касаллик ва 
зараркунандалар билан шикастлгнганлиги каби кўрсатгичлар йиғиндиси 
билан ифодаланади. 
Барча экинлар уруғликларининг экишга яроқлик сифатларига 
бўлган талаблар давлат стандартида қатъий белгиланган. Экишга яроқлик 
сифатлари давлат стандартида белгиланган даражадан паст бўлган 
уруғликлар экиш учун яроқсиз ҳисобланади. Уруғлик назорати хўжалик 
ичидаги назорат ва давлат назоратидан иборат. 
Хўжалик ичидаги уруғлик назорати 
ҳар бир хўжаликнинг ўз 
мутахассислари томонидан олиб борилади. У уруғликларни жамғариш ва 
сақлаш қоидаларининг тўғри бажарилишини, касаллик ва зараркунандаларга 
қаррши кураш чоралари, махсус уруғчилик технологияси қоидаларининг 
бажарилишини текшириб туриш каби ишлардан иборат. 
Давлат уруғлик назорати 
давлат уруғ инспекторлари томонидан 
олиб борилади. Уруғ инспекторлари ҳамма хўжаликлардаги экишга 
мўлжалланган барча уруғликларни текшириб туради. Уруғликлар 
лабараторияларда ягона давлат стандарти қоидалари асосида текширилади. 
Уруғ инспекторлари томонидан текширилган ва «Уруғлик софлиги ҳақида» 
ги гувоҳномага эга бўлгаи уруғларгина экишга яроқли ҳисобланади. 
Экинларнинг навдор уруғликлари тегишли ҳужжатлар билан 
расмийлаштирилади. Уруғлик экинлар кўпайтириш питомнигидан 
бошлаб апробация қилиниб, 3 шакл бўйича апробация акти тузилади. 
Уруғчиликнинг дастлабки босқичларида ўтказилган ишлар ҳақида 
акт тузилади. Актга бу ишни бажарган селекционер, мутахассис ва илмий 
тадқиқот муассасаси уруғчилик бўлимининг бошлиғи имзо чекади. 
Элита уруғликлари етиштиришнинг барча питомниклари ва 
экинзорларида ўтказилган ишлар «Элита уруғликлари етиштириш бўйича 
ишларни ҳисобга олиш журнали» га ѐзиб берилади. 
Хўжаликларда 
экиш 
учун 
белгиланган 
уруғликлар 
қуйидаги 
ҳужжатларга эга бўлиши керак: 

---

242 
1. Уруғликлар хўжаликнинг ўзида етиштирилган бўлса, уларнинг 
экинбоплик сифатларини кўрсатувчи «Уруғларнинг саралиги ҳақида 
гувоҳнома» ва навлилик сифатларини кўрсатувчи апробация акти; 
2. Навдор уруғликлар (суперэлита ва элита) тайѐрлов ташкилотининг 
омборидан олинган ѐки хўжаликлараро алмаштирилганлиги ҳақида ҳужжат, 
экин сифатлари бўйича стандарт талаби даражасига етказилган уруғликлар 
«Навлилик гувохномаси». 
Хўжаликлар ва тажриба муассасалари экиш сифатлари бўйича стандарт 
талабларига мос келадиган навдор уруғликларни сотганларида уларга 
қуйидаги ҳужжатларни қўшиб жўнатишлари керак: 
-навларнинг суперэлита ва элита уруғликларига бериладиган 
«Уруғлик аттестати»; 
-бошқа репродукцияли навдор уруғликларга бериладиган “Уруғлик 
аттестати”; 
-фермер хўжаликлари ва тажриба муассасалари навдор уруғликларни 
(суперэлита ва элита) тозалиги ва намлиги бўйича саралигини дон 
тайѐрлайдиган чегараланган доирада стандарт талаби даражасига 
етказмасдан топширилганларида уларга «Навлилик гувоҳномаси» қўшиб 
юборилиши керак.