D. O‘rinbayeva m. Rahimova

POYTAXTIM - TOSHKENT 
Toshkent  –  O‘zbekistondagi  eng  chiroyli  va  qadimiy  shahar.  Uning 
yoshi ikki ming yildan ham ortiq. Keyingi yillarda shahar chiroyiga chiroy 
qo‘shilmoqda. Katta-kichik xiyobonlar, keng va ko‘rkam ko‘chalar yanada 
obodonlashdi.  Chet  ellardan,  dengiz  orti  mamlakatlardan  ko‘plab 
mehmonlar  kelmoqdalar.  Ko‘chalar  chetida  chaman-chaman  bo‘lib 
ochilgan gullar yo‘lovchilar bahri dilini ochadi («Gulxan»)(46 ta so‘z). 
 
ONA TILIM 
O‘zbek tili XI asrdan boshlab mustaqil til sifatida shakllana boshladi. 
O‘zbek  tilining  rivojlanishida  XI  asrda  yashab  o‘tgan  eng  birinchi  turkiy 
tilshunos olim Mahmud Qoshg‘ariy, adib Yusuf Xos Hojib, buyuk alloma 
Alisher Navoiylarning hissalari kattadir. 
O‘zbek  tilining  rivojiga,  ayniqsa,  O‘zbekiston  mustaqillikka 
erishgandan so‘ng ahamiyat berildi (44 ta so‘z). 
 
HADISLARDAN NAMUNALAR 
Ilmning  ofati  unutishdir.  Uni  noahil  kishiga  gapirish  esa  uni  zoye 
qilishdir. O‘zing yaxshi ko‘rgan narsangni o‘zgalarga ham yaxshi bil. Agar 
biror  yomonlik  qilsang,  ketidanoq  yaxshilik  qil.  Olim  bo‘l  (ilm  beruvchi 
bo‘l)  yoki  ilm  o‘rganuvchi  bo‘l,  yoki  tinglovchi  bo‘l,  yoki  ilmga  va  ilm 
ahliga muhabbatli bo‘l. Beshinchisi bilimsiz bo‘lma, halok bo‘lasan (47 ta 
so‘z).