D. I. Xashimov, D. A. Axmedov avtomobilning rama va kuzovlarini ishlab

Shtamplangan detallarning aniqligi
Tayyorlangan detalning o‘lchamlari (haqiqiy aniqlik) 
detalning ishchi chizmasida keltirilgan o‘lchamlardan (berilgan 
aniqlik) farq qiladi. O‘lchamlarning farqi detalni tayyorlash 
aniqligi darajasini ko‘rsatadi.
Texnologik jarayonni loyihalash va detallar ishlab 
chiqarishning asosiy savollaridan biri, bu kuzov detallari 
aniqligini ta’minlash. Kuzov va kabina detallari geometrik 
o‘lchamlarining aniqlik darajasi, ishlab chiqarishning tannarxiga 
va detallarni payvandlash-yig‘ish jarayoniga ta’sir qiladi. 
Shuning uchun, kuzov va kabina detallarini ishlab chiqarishda 
iqtisodiy ko‘rsatkichlar e’tiborga olinadi. Detallarning geometrik 
o‘lchamlari aniqligini belgilash vaqtida shtamplarni maksimal 
ruxsat etilgan yeyilishi ham hisobga olinadi.