D. A. Mamatqulov bolalar anatomiyasi va fiziologiyasi asoslari

Bilak muskullari 3 guruhga: oldingi, chetki va orqa tomondagi muskullarga 
ajratiladi.  Oldingi  tomondagi  muskullar,   asosan,  yelka  suyagining  ichki  yon 
o‗simtasidan,  yelka  oldi  fassiyasidan  va  bilak  yoki  tirsak  suyaklarining  old 
tomonidan boshlanib, panja suyaklarining old tomoniga birikadi. Ular qisqarganda 
panja va barmoqlarni bukadi. Panjani ichkari tomonga buradi. Yon tomonda faqat 

---

63 
 
bitta yelka-bilak muskuli bor. U baquvvat  muskul bo‗lib, yelka suyagining tashqi 
yuzasidan  boshlanadi  va  bilakning  bigizsimon  o‗simtasiga  birikadi.  Bu  muskul 
qisqarganda tirsak bo‗g‗imini bukadi, bilakning pronatsiya, supinatsiya harakatida 
ishtirok  etadi.  Orqa  tomondagi  muskullar  yelka  suyagining  tashqi  yon 
o‗simtasidan,  bilak-tirsak  suyaklarining  orqa  yuzasidan  boshlanib,  panja 
suyaklarining  orqa  yuzasiga  tutashadi.  Bu  muskullar  qisqarganda  panja  va 
barmoqlarni yozadi, supinatsiya xarakatida ishtirok etadi.