D. A. Mamatqulov bolalar anatomiyasi va fiziologiyasi asoslari

BOSH MUSKULLARI 
  Bosh  muskullari  joylashishiga  ko‗ra  ikkiga:  miya  qutisining  muskullari  va 
yuz  muskullariga  bo‗linadi.  Miya  qutisining  muskullariga  peshona,  ensa,  quloq 
muskullari  kiradi,  ular  odamda  rudiment  xolda  bo‗ladi.  Miya  qutisi  pishiq  fibroz 

---

60 
 
to‗qimadan tuzilgan aponevroz pay bilan qoplangan. Yuz muskullari funksiyasiga 
ko‗ra chaynov muskullari va mimika muskullariga bo‗linadi. 
Chaynov  muskullari.  Chakka  muskuli  yelpig‗ich  shaklida  bo‗lib,  boshning 
yon tomonida joylashgan. U chakka chuqurligidan boshlanib, yonoq yoyi tagidan 
o‗tadi va pastki jag‗ning o‗tkir o‗simtasiga birikadi. 
Xususiy  chaynov  muskuli  to‗rtburchak  shaklda  bo‗lib,  yanoq  yoyidan 
boshlanadi va pastki jag‗ suyagining burchagiga tashqi tomondan ulanadi. 
Tashqi  qanotsimon  muskul  asosiy  suyakning  qanotsimon  tanglay 
o‗simtasidan boshlanib, pastki jag‗ning bo‗g‗im o‗simtasiga birikadi. Bu muskullar 
qisqarganda, pastki jag‗ni biroz oldinga chiqarib, yuqoriga ko‗taradi.