Covid-19 билан касалланган ҳомиладорларни олиб бориш

Дифференциал диагностика учун қўшимча текширувлар ўтказилиши мумкин:

• Лаборатор:

- умумий (клиник) қон таҳлили;

- биокимёвий қон таҳлили (мочевина, креатинин, электролитлар, жигар ферментлари, билирубин, глюкоза, альбумин);

- қон зардобидаги С-реактив оқсил даражаси текшируви;

- протромбин вақти, халқаро меъёрлаштирилган нисбат (МНО), фаоллаштирилган қисман тромбопластин вақти билан коагулограмма кўрсаткичларини аниқлаш.

• Инструментал:

- пульсоксиметрия

- электрокардиография (ЭКГ)

- кўкрак қафаси органлари рентгенографияси

- ўпка артериялари КТ ангиографияси.

Беморда тана ҳароратининг ҳар қандай кўтарилиши COVID-19 инфекцияси мавжудлиги билан боғлиқ деб тахмин қилинмаслиги керак. Шунингдек, септик ҳолати мавжудлигига текширувлар ўтказилиши керак.

• Беморда тана ҳароратининг ҳар қандай кўтарилиши COVID-19 инфекцияси мавжудлиги билан боғлиқ деб тахмин қилинмаслиги керак. Шунингдек, септик ҳолати мавжудлигига текширувлар ўтказилиши керак.
• Лейкоцитлар миқдорининг ортиши кузатилганда, бактериал иифекцияга текширувлар ўтказилиши керак (COVID-19 инфекциясида лимфоцитлар миқдори нормада ёки пасайган бўлади).
• Инфузион даволашни эҳтиёткорлик билан ўтказиш лозим. 250-500 мл бошланғич болюс инфузиялар юборилганидан сўнг, ортиқча юкланиш белгилари мавжудлигини баҳолаш керак, сўнгра қўшимча инфузиялар юборишни давом эттириш керак.
• Ҳомиладорлик муддати ва аёлнинг аҳволини ҳисобга олган ҳолда, ҳомиланинг ҳолатини кузатиш частотаси ва эҳтиёжини индивидуал равишда кўриб чиқиш керак.
• Агар ҳомила томонидан кўрсатмаларга мувофиқ шошилинч туғдириш зарурияти келиб чиқса, аёлнинг умумий ахҳволи бунга имкон берса, туғруқ амалдаги стандартларга мувофиқ амалга оширилиши керак.

Зарур ҳолларда, туғдиришдан олдин, аёлнинг умумий аҳволини барқарорлаштиришга эришиш лозим, бу бошқа акушерлик ҳолатларда, масалан, оғир преэклампсия ҳолатларида бўлгани каби, устувор ҳисобланади.

• Зарур ҳолларда, туғдиришдан олдин, аёлнинг умумий аҳволини барқарорлаштиришга эришиш лозим, бу бошқа акушерлик ҳолатларда, масалан, оғир преэклампсия ҳолатларида бўлгани каби, устувор ҳисобланади.
• Муддатидан олдин туғдириш аёлнинг интенсив даволанишини енгиллаштиришга қаратилган тадбир эканлигини ёки туғдириш ҳомила томонидан кўрсатмаларга кўра амалга оширилаётганлигини мультидисциилинар жамоа жалб қилинган ҳолда ва индивидуал равишда кўриб чиқиш керак.
• Қуйидаги жиҳатлар индивидуал равишда кўриб чиқилади: аёлнинг умумий аҳволи, ҳомиланинг ҳолати, туғдиришдан сўнг аёлнинг умумий аҳволини яхшилаш мумкин бўлган имкониятлар, ҳомиладорлик муддати.
• Ҳомилада респиратор дистресс синдромини олдини олиш учун аёлларга буюриладиган кортикостероидлар COVID-19 инфекциясини кучайтириш мумкинлиги тўғрисида ҳеч қандай далиллар келтирилмаган.