Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
30
Шу боис Ҳайъат ҳал қилув қарорини бекор қилиб, даъво 
талабларини қаноатлантиришни рад этишни лозим топган .
1.10. битим тузишга ваколат берган шахс битимнинг ижрога 
қабул қилинганлигидан гувоҳлик берувчи ҳаракатлар қилган 
тақдирда, бундай битим маъқулланган ҳисобланади.
“Авто ҳамкор” лизинг компанияси ва “кармана” МЧЖ ўртасида
2012 йил 23 октябрда 101/12-сонли лизинг шартномаси тузилган
бўлиб, унга кўра “Авто ҳамкор” лизинг компанияси “кармана” МЧЖга 
умумий қиймати 510 260 000 сўм бўлган 8 та “ISUZU” русумли авто-
транспорт воситаларини 36 ой муддатга лизингга бериш, “кармана” 
МЧЖ эса лизинг тўловларини ўз вақтида тўлаш мажбуриятини олган .
Лизинг тўловларининг қайтарилишини таъминоти сифатида 
“Авто ҳамкор” лизинг компанияси, “кармана” МЧЖ ва “Лада” МЧЖ 
ўртасида 2014 йил 4 ноябрда кафиллик шартномаси тузилиб, унга 
кўра “Лада” МЧЖ “кармана” МЧЖнинг лизинг шартномаси бўйича 
мажбуриятлари юзасидан 253 498 137 сўмга кафил бўлган .
кейинчалик, “Лада” МЧЖ таъсисчиси А .Шукуров судга ариза 
билан мурожаат қилиб, 2014 йил 4 ноябрда тузилган кафиллик 
шартномасини ҳақиқий эмас деб топишни сўраган .
Биринчи инстанция судининг 2016 йил 19 сентябрдаги ҳал қилув 
қарори билан арз қилинган талаб қаноатлантирилган . 
Суднинг бундай хулосага келишига лизинг шартномаси тузил-
гандан кейин орадан икки йил ўтиб кафиллик шартномаси тузилган-
лиги асос бўлган .
Ваҳоланки, Фк 292-моддасининг иккинчи қисмига мувофиқ 
кафиллик шартномаси келгусида вужудга келадиган мажбуриятни 
таъминлаш учун ҳам тузилиши мумкин .
Бундан ташқари, “Масъулияти чекланган ҳамда қўшимча масъу-
лиятли жамиятлар тўғрисида”ги Ўзбекистон Республикаси Қону ни 
(бундан буён матнда “Қонун” деб юритилади) 8-моддаси биринчи 
қисмининг иккинчи хатбошисига кўра, жамият иштирокчилари 
қонун ҳужжатларида ва жамият таъсис ҳужжатларида белгиланган 

---