Cover page obzor iqtisodiy-last 7B. cdr

6-боб. Корпоратив низолар билан боғлиқ
ишлар бўйича суд амалиёти
209
ҳамда қўшимча масъулиятли жамиятлар тўғрисида”ги Ўзбекистон 
Республикаси Қонунининг 41-моддасига асосан жамият бошқарув 
органининг қарори ушбу қарорни қабул қилиш бўйича овоз беришда 
иштирок этмаган ёки баҳсли қарорга қарши овоз берган жамият 
иштирокчисининг даъвоси билан ҳақиқий эмас деб топилиши 
мумкинлиги, йиғилишда иштирок этиб, низоли масала юзасидан қабул 
қилинган қарорни ёқлаб овоз берган шахс ушбу қарорни ҳақиқий 
эмас деб топиш ҳақида судга мурожаат қилганда, унинг талабини 
қаноатлантириш рад этилиши лозимлиги ҳақида тушунтириш берилган .
Бу ерда қарорни ҳақиқий эмас деб топиш ҳақидаги талаб билан 
МЧЖ номидан унинг тугатиш бошқарувчиси мурожаат қилган . 
Шу боис Ҳайъат ҳал қилув қарорини бекор қилиб, ариза талабини 
қаноатлантиришни рад этиш тўғрисида янги қарор қабул қилишни 
лозим топган .
6.5. МчЖ иштирокчиларининг умумий йиғилиши қонун 
талабларига риоя қилинган ҳолда чақиртирилган ва 
ўтказилган бўлиб, умумий йиғилиш қарорини ҳақиқий эмас 
деб топиш тўғрисида даъво берган МчЖ иштирокчисининг 
овози овоз бериш натижаларига таъсир кўрсата олиши 
мумкин бўлмаса, суд ишнинг барча ҳолатларини ҳисобга 
олиб, даъвони қаноатлантиришни рад этиши мумкин. 
2014 йил 10 майда фуқаролар Аҳмедов Аваз Маҳмудович, 
Дадабоев Дармон Бобоевич, Қорабоев Акрам Сарварович, Садиров 
Ашир Холматович, Алиев Акмал Раҳматович, “Сардор-С” МЧЖ
ва “Дармон” МЧЖ томонидан “Булоқбоши” МЧЖ (бундан буён мисол 
матнида ”МЧЖ” деб юритилади) ташкил этилган бўлиб, МЧЖнинг 
таъсис ҳужжатлари туман ҳокимлиги ҳузуридаги тадбиркорлик 
субъектларини рўйхатга олиш Инспекцияси (бундан буён мисол 
матнида ”Инспекция” деб юритилади) томонидан 2014 йил 25 майда 
рўйхатга олинган ва бу ҳақда МЧЖга гувоҳнома берилган .

---