Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
204
Шу боис Ҳайъат ҳал қилув қарорини бекор қилиб, даъво талабини 
қаноатлантиришни рад этишнии лозим топган .
6.2. МчЖ иштирокчиси томонидан МчЖга нисбатан 
берилган ўзини жамиятдан чиқариш ҳақидаги талаб
билан судга мурожаат қилинганда бундай талабни 
қаноатлантириш рад қилиниши керак.
2014 йил 8 июлда фуқаролар Мирзаханов низомиддин Салохо-
вич, Солиев Элдор Анварович ва Қодиров Ином Икромович 
томонидан “Замон” МЧЖ (бундан буён мисол матнида ”МЧЖ” деб 
юритилади) ташкил этилган бўлиб, МЧЖнинг таъсис ҳужжатлари 
туман ҳокимлиги ҳузуридаги тадбиркорлик субъектларини рўйхатга 
олиш Инспекцияси (бундан буён мисол матнида ”Инспекция” деб 
юритилади) томонидан 2014 йил 16 июлда рўйхатга олинган ва бу 
ҳақда МЧЖга гувоҳнома берилган .
Таъсис ҳужжатларига кўра МЧЖнинг устав фонди 50 000 000 сўм
миқдорида белгиланиб, унда н .Мирзаханов 15 000 000 сўм ёки
25 фоиз, Э .Солиев 15 000 000 сўм ёки 25 фоиз, И .Қодиров
30 000 000 сўм ёки 50 фоиз улушга эга бўлган .
МЧЖ иштирокчиси И .Қодиров МЧЖга нисбатан судга даъво 
аризаси билан мурожаат қилиб, унда МЧЖ иштирокчилари 
н .Мирзаханов ва Э .Солиевлар томонидан бир неча маротаба умумий 
йиғилиш чақиртирилиб, фойдани тақсимлаш масаласи кўриб чиқилган 
бўлса-да, у йиғилиш вақти ва жойи тўғрисида тегишли тартибда 
хабардор қилинмаганлиги, бу билан унинг қонун ҳужжатларида 
белгиланган ҳуқуқ ва манфаатлари бузилаётганлиги баён этилиб, 
ўзини МЧЖ иштирокчилари сафидан чиқаришни сўраган .
Биринчи инстанция судининг 2016 йил 16 сентябрдаги ҳал қилув 
қарори билан даъво талаби тўлиқ қаноатлантирилган .
Биринчи инстанция суди даъво талабини қаноатлантиришда 
Фк 223-моддасининг биринчи - тўртинчи қисмларига асосланиб, 
нотўғри хулосага келган .

---