Cover page obzor iqtisodiy-last 7B. cdr

5-боб. Қарздорни банкрот деб топиш билан
боғлиҚ ишлар бўйича суд амалиёти
187
Ваҳоланки, “Банкротлик тўғрисида”ги Қонун 53-моддасининг 
бешинчи қисмига биноан банкротлик таомиллари жараёни ҳақидаги 
эълон қилинган маълумотларда қуйидагилар бўлиши лозим:
● қарздорнинг номи (фамилияси, исми, отасининг исми)
ва унинг почта манзили;
● суд ҳужжатини қабул қилган иқтисодий суднинг номи, шу суд 
ҳужжати қабул қилинган сана ва жорий қилинган банкротлик 
таомили номи, шунингдек банкротлик тўғрисидаги ишнинг 
тартиб рақами; 
● тайинланган суд бошқарувчисининг фамилияси, исми, 
отасининг исми ва унинг почта манзили;
● банкротлик тўғрисидаги ишни кўриш бўйича кейинги суд 
мажлисининг иқтисодий суд томонидан белгиланган санаси; 
● ушбу Қонунда назарда тутилган ҳолларда бошқа ахборот .
Шу сабабли Ҳайъат биринчи инстанция судининг ҳал қилув 
қарорини бекор қилиб, ишни янгидан кўриш учун биринчи инстанция 
судига юборган .
5.10. тугатишга доир иш юритиш муддати бир йилдан ошиб 
кетганда, ушбу муддат ишда иштирок этувчи шахснинг 
илтимосномасига биноан ёки суднинг ташаббусига кўра 
ажрим билан узайтирилади. 
Қарздор “Достон сервис” АЖ (кейинчалик мисол матнида ”АЖ” 
деб юритилади) судга ариза билан мурожаат қилиб, ўзини (АЖни) 
банкрот деб топишни сўраган . 
Биринчи инстанция судининг 2016 йил 20 октябрдаги ҳал қилув 
қарори билан АЖ банкрот деб топилиб, тугатишга доир иш юритиш 
бошланган . Тугатиш бошқарувчиси этиб 1-тоифали суд бошқарувчиси 
А .Суннатов тайинланган . Тугатиш бошқарувчисининг зиммасига АЖни 
тугатишга доир иш юритиш таомилини қонун ҳужжатлари талаблари 
асосида амалга ошириш ҳамда тугатишга доир иш юритишни ўтказиш 
натижалари бўйича ҳисобот тақдим этиш юклатилган .

---