Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
184
ёки унинг ҳузурида ташкил этилган махсус комиссия мавжуд эмас .
Шу сабабли прокуратуранинг назорат тартибидаги протестига 
асосан Ҳайъат биринчи инстанция судининг ҳал қилув қарорини 
бекор қилиб, туман ҳокимлиги ҳузуридаги доимий махсус 
комиссиянинг аризаси бўйича иш юритишни ХПк 86-моддасининг 
1-бандига асосан тугатган .
5.8. Кредиторларнинг биринчи йиғилиши қарздорни
банкрот деб топиш ҳақидаги ариза иш юритишга
қабул қилинганлиги тўғрисида суд чиқарган ажримда
суд мажлисини ўтказишнинг белгиланган санасига
камида беш кун муддат қолганида ўтказилади.
Ўзбекистон Республикасининг Хусусийлаштирилган корхоналарга 
кўмаклашиш ва рақобатни ривожлантириш давлат қўмитаси вилоят 
бошқармаси (бундан буён матнда ”банкротлик тўғрисидаги ишлар 
бўйича давлат органи” деб юритилади) судга ариза билан мурожаат 
қилиб, қарздор “Минор” МЧЖни (кейинчалик мисол матнида ”МЧЖ” 
деб юритилади) банкрот деб топишни сўраган . 
Суднинг 2017 йил 3 июлдаги ажрими билан банкротлик 
тўғрисидаги ишлар бўйича давлат органининг аризаси иш юритишга 
қабул қилиниб, МЧЖга нисбатан банкротлик иши қўзғатилган . 
Мазкур ажрим билан ишни кўриш 2017 йил 21 августга тайинланган 
ва қарздорга нисбатан кузатув жорий этилиб, муваққат бошқарувчи 
тайинланган . Муваққат бошқарувчи зиммасига кредиторларнинг 
биринчи йиғилишини ўтказиш вазифаси ҳам юклатилган .
Муваққат бошқарувчи томонидан МЧЖ кредиторларининг 
биринчи йиғилишини ўтказиш 2017 йил 13 августга тайинланган . 
Аммо шу куни кредиторлар йиғилишига банкротлик тўғрисидаги 
ишлар бўйича давлат органидан вакил келмаганлиги сабабли 
йиғилиш ўтказилмасдан қолган .
Биринчи инстанция судининг 2017 йил 21 августдаги ҳал қилув 
қарори билан МЧЖ банкрот деб топилган ва тугатишга доир иш 
юритиш бошланган . Тугатиш бошқарувчиси этиб 1-тоифали суд 

---