Cover page obzor iqtisodiy-last 7B. cdr

5-боб. Қарздорни банкрот деб топиш билан
боғлиҚ ишлар бўйича суд амалиёти
173
бошқа ваколатли орган, шунингдек прокурор томонидан берилиши 
мумкин . 
Пленум 142-сонли қарори 35-бандининг учинчи хатбошисига 
кўра ҳозир бўлмаган қарздорни банкрот деб топиш тўғрисида ариза 
берилганда, қарздор - якка тартибдаги тадбиркорнинг ёки юридик 
шахс раҳбарининг ҳозир бўлмаганлигини, шунингдек уларнинг турар 
жойини аниқлашнинг имконияти йўқлигини тасдиқловчи далиллар 
хўжалик судига тақдим этилиши керак . Бундай далиллар манзил 
маълумот бюроси томонидан шахснинг рўйхатдан чиқиб, бошқа 
ҳудудга кетганлиги ҳақида берилган маълумотнома, фуқароларнинг 
ўзини ўзи бошқариш органи, уй-жой мулкдорларининг ширкати 
вакиллари иштирокида шахснинг рўйхатга олинган манзилда 
яшамаслиги тўғрисида тузилган далолатнома, шахснинг вафот 
этганлиги ёки озодликдан маҳрум этиш жойларида эканлигини 
тасдиқловчи ҳужжатлар бўлиши мумкин .
Бироқ суд бундай тўхтамга келишдан олдин Пленум 142-сонли 
қарори 35-бандининг тўртинчи хатбошисида қарздорнинг ҳозир 
бўлмаганлиги сифатида нафақат унинг раҳбари йўқлиги, балки 
хўжалик юритувчи субъект мол-мулкининг йўқлигини ҳам тушуниш 
лозимлиги, бу ҳол қарздор – юридик шахс турган жойи (почта 
манзили) бўйича фуқароларнинг ўзини ўзи бошқариш органи,
уй-жой мулкдорларининг ширкати, турар жой ёки одам яшамай-
диган жойнинг мулкдори вакиллари ва (ёки) суд бошқарувчиси 
иштирокида тузилган далолатнома ёхуд қарздорнинг мол-мулки 
мавжуд эмаслиги сабабли ижро ҳужжатини ижросиз қайтариш тўғ-
рисидаги суд ижрочисининг қарори билан тасдиқланиши мумкин-
лиги ҳақида тушунтириш берилганлигига эътибор бермаган .
Ваҳоланки, биринчи инстанция суди мазкур ҳолатда давлат 
ижрочисининг қарздорни мол-мулки мавжуд эмаслиги сабабли 
ижро ҳужжатини ижросиз қайтариш тўғрисидаги қарори мавжуд 
бўлганлиги сабабли ДСИнинг аризасини кўрмасдан қолдирмасдан, 
балки уни мазмунан кўриб чиқиши лозим эди .
Шу сабабли ДСИнинг назорат тартибидаги шикоятига асосан 
Ҳайъатнинг 2018 йил 28 майдаги қарори билан биринчи инстанция 
судининг ажрими ва апелляция инстанцияси судининг қарори бекор 

---