Cover page obzor iqtisodiy-last 7B. cdr

боғлиҚ ишлар бўйича суд амалиёти
171
Ушбу модданинг биринчи қисмида назарда тутилган ҳолатлар 
аниқланган тақдирда, тугатиш комиссияси (тугатувчи) тугатилаётган 
юридик шахсни банкрот деб топиш тўғрисидаги ариза билан 
иқтисодий судга ёки қонун ҳужжатларида назарда тутилган тегишли 
чораларни кўриши учун давлат солиқ хизмати органларига мурожаат 
этиши шарт .
Шунингдек, мазкур Қонуннинг 188-моддасида ўз фаолиятини 
тугатган қарздор якка тартибдаги тадбиркор ёки қарздор якка 
тартибдаги тадбиркор мақомини йўқотган жисмоний шахс 
ёки тугатилаётган юридик шахснинг раҳбари ҳозир бўлмаган
ва уларнинг турган жойини (яшаш жойини) аниқлашнинг имкони 
бўлмаган тақдирда, ҳозир бўлмаган қарздорни банкрот деб 
топиш тўғрисидаги ариза, кредиторлик қарзи миқдоридан қатъи 
назар, кредитор, банкротлик тўғрисидаги ишлар бўйича давлат 
органи, давлат солиқ хизмати органи ёки бошқа ваколатли 
орган, шунингдек прокурор томонидан берилиши мумкинлиги 
белгиланган .
Шу боис прокуратуранинг назорат тартибидаги протестига асо-
сан Ҳайъат биринчи инстанция судининг ҳал қилув қарорини бе кор 
қилиб, МЧЖнинг аризаси бўйича иш юритишни ХПк 86-моддаси нинг 
1-бандига асосан тугатган .
5.2. қонуннинг 188-моддаси билан қарздор-юридик шахсга 
нисбатан банкротлик иши қўзғатиш учун қарздорнинг ҳозир 
бўлмаганлиги ҳолати сифатида нафақат уни раҳбарининг 
йўқлиги, балки уни мол-мулкининг ҳам йўқлиги тушунилади.
“Сарвар” МЧЖнинг (кейинчалик мисол матнида “МЧЖ“ деб 
юритилади) солиқлар ва бошқа мажбурий тўловлардан бўлган 
қарздорлиги 2017 йил 15 июнь ҳолатига жами 6 330 696 сўмни ташкил 
қилган . ДСИ судга ариза билан мурожаат қилиб, МЧЖдан солиқлар 
ва бошқа мажбурий тўловлардан бўлган 6 330 696 сўм қарздорликни 
ундиришни сўраган .

---