Cover page obzor iqtisodiy-last 7B. cdr

4-боб. Кўчмас мулК олди-сотдиси ва ижараси шартномалари
билан боғлиқ ишлар бўйича суд амалиёти
143
“Маҳмуд мадад” МЧЖдан “Қодир савдо” МЧЖ фойдасига 800 000 сўм 
ижара ҳақи ундирилган . Даъво талабининг пеня ундириш қисмини 
қаноатлантириш рад этилган .
Суднинг даъво талабининг пеня ундириш қисмини қаноатлан-
тиришни рад этиш ҳақида хулосага келишига тарафлар ўртасида 
шартномавий-ҳуқуқий муносабатлар 2016 йил 31 майдаги қўшимча 
келишувга асосан бекор бўлганлиги асос бўлган .
Бироқ Фк 554-моддасининг тўртинчи қисмида белгиланишича 
ижарага олинган мол-мулк ўз вақтида қайтарилмаганлиги учун 
шартномада неустойка ундириш назарда тутилган тақдирда, агар 
шартномада бошқача тартиб назарда тутилган бўлмаса, неустойкадан 
ташқари зарар тўлиқ миқдорда ундирилиши мумкин .
Шартноманинг 2 .2-бандида шартнома муддатидан олдин 
бекор қилинган тақдирда, ижарага олувчи бино-иншоотни ижара 
муносабатлари бекор қилинган кундан кечиктирмаган ҳолда ижарага 
берувчига топшириши, 3 .1-бандида эса муддатлар билан боғлиқ 
тарафларнинг мажбуриятлари бузилган тақдирда, пеня тўланиши 
назарда тутилган .
Ушбу ҳолда ижарага олинган савдо дўкони ўз вақтида 
қайтарилмаганлиги учун шартномада пеня ундириш назарда 
тутилганлиги сабабли “Қодир савдо” МЧЖ “Маҳмуд мадад” МЧЖдан 
пеня ундиришни ҳам талаб қилишга ҳақли .
Шу боис Ҳайъат ҳал қилув қарорининг даъво талабининг пеня 
ундириш қисмини қаноатлантиришни рад этиш қисмини бекор 
қилиб, даъво талабининг ушбу қисмини ҳам қаноатлантиришни 
лозим топган .
4.4. Кўчмас мулкни ижарага берувчи ижарага олувчини ёзма 
равишда огоҳлантирганидан ва унга ўз мажбуриятларини 
бажариш учун имконият берганидан кейингина шартнома 
муддатидан олдин бекор қилинишини талаб қилишга ҳақли.
“Мурувват” МЧЖ ва “Тўқимачи текс” МЧЖ ўртасида 2016 йил 
16 июнда 30-сонли кўчмас мулк ижараси шартномаси тузилган 

---