Cover page obzor iqtisodiy-last 7B. cdr

3-боб. Кредит, гаров (ипотеКа), лизинг ва суғурта шартномалари
билан боғлиқ ишлар бўйича суд амалиёти
133
кейинчалик, “Мурод бобо” фермер хўжалиги судга ариза билан 
мурожаат қилиб “Агро лизинг” лизинг компанияси ва “Мурод бобо” 
фермер хўжалиги ўртасида 2016 йил 26 октябрда тузилган келишув 
битимини тасдиқлаб беришни сўраган .
Суднинг 2016 йил 24 ноябрдаги ажрими билан тарафлар ўртасида 
тузилган келишув битими тасдиқланиб, иш юритиш тугатилган .
келишув битимининг 3 .1-бандида тарафлар шартномавий 
мажбуриятларни бажаришни давом эттиришлари, “Мурод бобо” 
фермер хўжалиги томонидан келишув битими мажбуриятлари 
тегишли равишда бажарилмаган, яъни тўлов жадвалига асосан 
лизинг тўловлари амалга оширилмаган тақдирда “Агро лизинг” 
лизинг компанияси кейинчалик шартномаларни бир томонлама 
бекор қилиш ва лизинг обьектларини қайтариб олиш ҳуқуқини ўзида 
сақлаб қолиши келишилган .
Суд ушбу келишув битимини тасдиқлаш ҳақида нотўғри 
хулосага келган . Чунки Фк 385-моддасининг иккинчи ва учинчи 
қисмларига мувофиқ шартнома бекор қилинганида тарафларнинг 
мажбурият лари бекор бўлади . Шартнома ўзгартирилган ёки бекор 
қилинган тақдирда, агар келишувдан ёки шартномани ўзгартириш 
хусусиятидан бошқача тартиб англашилмаса, тарафлар шартномани 
ўзгартириш ёки бекор қилишга келишган пайтдан бошлаб, шартнома 
суд тартибида ўзгартирилган ёки бекор қилинганида эса - суднинг 
шартномани ўзгартириш ёки бекор қилиш ҳақидаги қарори қонуний 
кучга кирган пайтдан бошлаб мажбуриятлар ўзгартирилган ёки 
бекор қилинган ҳисобланади .
Мазкур ҳолатда ҳал қилув қарори билан “Агро лизинг” лизинг 
компанияси ва “Мурод бобо” фермер хўжалиги ўртасида 2014 йил
22 декабрда тузилган лизинг шартномаси бекор қилинганлиги 
сабабли шартнома бўйича барча мажбуриятлар ҳам бекор бўлган . 
Шунинг учун “Агро лизинг” лизинг компанияси келишув битимига 
асосан кейинчалик шартномаларни бир томонлама бекор қилиш
ва лизинг объектларини қайтариб олиш ҳуқуқини ўзида сақлаб 
қолиши ноқонуний ҳисобланади .
Қолаверса, Ўзбекистон Республикаси Олий хўжалик суди 
Пленумининг “келишув битимини тасдиқлашда Ўзбекистон 

---