Cover page obzor iqtisodiy-last 7B. cdr

2-боб. Олди-сОтди, маҳсулОт етказиб бериш ва кОнтрактация
шартнОмалари билан бОғлиқ ишлар бўйича суд амалиёти
55
бекор қилиш ҳақидаги талабномаси “Хислат” хусусий корхонаси 
томонидан оқибатсиз қолдирилган .
Шу сабабли бошқарма судга ариза билан мурожаат қилиб, 
бошқарма, “Хислат” хусусий корхонаси ва туман ҳокимлиги ўртасида 
2014 йил 26 январда тузилган 47-сонли олди-сотди шартномасини 
бекор қилишни сўраган .
Биринчи инстанция судининг 2017 йил 27 июндаги ҳал қилув 
қарори билан ариза талаби тўлиқ қаноатлантирилган . Бошқарма, 
“Хислат” хусусий корхонаси ва туман ҳокимлиги ўртасида 2014 йил
26 январда тузилган 47-сонли олди-сотди шартномаси бекор 
қилинган . 
Чунки Фк 382-моддасининг иккинчи қисмига кўра, тарафлардан 
бирининг талаби билан шартнома суд томонидан фақат иккинчи тараф 
шартномани жиддий равишда бузса, ушбу кодекс, бошқа қонунлар 
ва шартномада назарда тутилган ўзга ҳолларда ўзгартирилиши ёки 
бекор қилиниши мумкин . Бу ҳақда, Ўзбекистон Республикаси Олий 
хўжалик суди Пленумининг “Хўжалик шартномаларини тузиш, 
ўзгартириш ва бекор қилишни тартибга солувчи фуқаролик қонун 
ҳужжатлари нормаларини қўллашнинг айрим масалалари тўғрисида” 
2009 йил 18 декабрдаги 203-сонли қарори 18-бандининг учинчи-
бешинчи хатбошиларида тушунтириш берилган .
Шартноманинг 3 .8-бандида, “Хислат” хусусий корхонаси бош-
қармага ҳар чоракда ҳисобот давридан кейинги ойнинг 1 санасигача 
объектда инвестиция мажбуриятлари бажарилишининг бориши 
тўғрисидаги ҳисоботни тақдим этиши белгиланган .
Бироқ “Хислат” хусусий корхонаси томонидан шартнома шартлари 
қўпол равишда бузилган, бажарилиши белгиланган инвестиция 
мажбуриятлари бажарилмаган, бу ҳақдаги ҳисоботлар бошқармага 
тақдим этилмаган .
“Хислат” хусусий корхонаси томонидан шартномада белгиланган 
брусчатка маҳсулотларини ишлаб чиқариш цехи қурилиши учун 
тегишли идоралар томонидан рухсат берилмаганлиги ҳақида важ 
келтирилган бўлса-да, бироқ унинг ўрнига бошқа турдаги маҳсулотлар 
ишлаб чиқариш бўйича шартномага тегишлича ўзгартириш киртиш 
чораси кўрилмаган .

---